Lukas 14:21 - Fanawbuid tagsibaliwas Fakayabian

²¹ “At fagsuguan anfoli ay nafoyung sat fun. At fun kadotama ay nalong sat fagsuguan te, ‘Masakiti sa sangay dalan ayu daul ay sa sangay dalan ayu sirut sa tam furuan, ay fastei ngay taw at yud e kwa, ay at yud mafalelegan at take ay at bitis, ay at yud glag, ay anggan at yud malo.’

Lukas 14:21 ပူးပေါင်းရင်းမြစ်များ

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

Alubad. 38:7

Fagdaul ku bilug masait wan, ay wa maugali ya ku fagmabitsugun.

Isayas 33:23

Erusalem kata sik sakayan lino at yud marugut at fantabing at turuk, ay wa mafarafad at famalao fag ramit. Dewa katanya, umdasug ban sik menit ngayu ban fag ramraman at fagmabulun siginan at ngay fawayan. Dewa at yud malo fag ngay taw umke kwa tua ban.

Isayas 35:6

Ay at yud malo fag ngay taw nanfanulbuan kata sik kambing talun at kaksvnan nu guseganan, ay at yud maringang nanguro tua aroro gfanagsag. Mamam ban gfamilugan tua sat matat fag talun, ay at ngay bulbug gfamilugan sa sangaba talun.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Sakaryas 11:11

Ay ginanya fag menit Yawi nafayud e masuad at nasadian. Tagfalao ngay tupa tagdama angku nasaful te, Yawi nafae masuad ku ngay nafakamulun takatanya.

Sakaryas 11:7

Nu katanya, naalaga au ngay tupa ngay tagfalao at fagnamilasun. Ay nanamul au duak tulag, at sadi nafangayan au te, Fagmasineun, ay at fadua nafangayan au te, Fagmasadiun.

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Mateu 15:12

Ay Isus at ngay tagadal ankakbang ay nainto anya te, “O saful wo te, ngay taw Fariseu ankuri nu nadungug am nalong?”

Mateu 18:31

Ay tibak fagsuguan nu nalag kanya fag fagsuguan at fakamulun, ankuri. Ay kanya fagayu nalo wan ay nanamoyung sat fun at kinfasludan.

Mateu 20:7

“Ay kafag ngay taw nalong te, ‘Aroro we gfafakamulun sa emi.’ Ay tagagbilug nalong anya fagayu te, ‘Ay kin, nu katanya, anggan am, loi wan, namakamuluni sa ku tanuman.’

Lukas 14:13

Nu nafalganan o sik ngay fakonun ngayu, gewani sam bale anggan at yud e kwa, ay at yud mafalelegan at take ay at bitis, ay at yud malo, ay anggan at yud glag.

Lukas 14:20

“Ay at sadi nalong yangay te, ‘Bagu kway kamubay, ay kwa madasug.’

Lukas 14:22

“Ay at fagsuguan nu nfoli wan, nalong te, ‘Fagtainan, nafaning kwan am longan, ay ya mapnu am bale.’

Lukas 14:24

Gfoyung au ayu te, ebi ku nagewan fag ngay taw, nusdi sadi we nanangon ku tagbia fag yafun.”

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Lukas 9:10

Isus at ngay nasugu nu nfoli wan, nafoyung sas Isus at ngay nafakamulun. Isus nataban anya fagayu ay nalo sa sik furuan at ngayan Betsaida. Isus we nataban sas day at ngay nasugu.

Uan 9:39

Ay Isus glong anya te, “Ku fagindasugun ste swa daga laman nanginsaful au fagayu taw te, o e asalanan, laman at ngay yud glag, glag tua ban, ay at ngay taglag wa ban glag.”

Ebreu 13:17

Faningi tua ay ngay tagfangguna aroro kanya fagayu tagalaga ayu sabaliwas fanfalad fag famanwanun. Ay sa ban tibak menit kanya fagayu mesa namoyung sas Dius sabaliwa at ngay nafakamulun. Nu gfaning tuam anya fagayu, kanya fagayu guseganan tua gfakamulun at ngay fanambagun, ay di gidapan. Aroro nu gfaidapan way am anya fagayu, we fanambagun sa ayu.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

At Nafasure 19:15

Ay siginan at bibig naduksun sik fiso at maglat tagsumbalian at uyup, laman namasing fagayu talun at ngay taw. “Kanya gbitbitan sanbung fag famalang ay gfagtainan kafag ngay taw.” Ay kanya nansiad at fagturisan ubas, laman gfalag sa anya fagayu te, Dius at mabalyanan maksvn nu kadotama.

At Nafasure 22:17

At Masine fag Falad ay Tupa Riangan at bubay glong te, “Gewan.” Ay fagayu at nadungug tuy at masine nu glong yangay te, “Gewan.” Ay nusnga sinu takadanum, akbangi, ay nusnga sinu takaylat, buli at yud e famayad fag mamam tagfon leleg.

1 Samwel 2:8

Kanya ggubuk at maidap fag ngay taw siginans fagidapun. Yawi e fagmabalyananun gfae fanambagun at maidap fag ngay taw magamut ngay fun ay gfae fagusegananun. Yawi wan tagagbilug fagdaul daga at fagtungkudan.

1 Samwel 25:12

Ay Dabid at ngay fagsuguan noli wan. Ay kanya fagayu nu ndasug sas Dabid, nafasaful fagayu at kinfasludan.