Lukas 14:13 - Fanawbuid tagsibaliwas Fakayabian

¹³ Nu nafalganan o sik ngay fakonun ngayu, gewani sam bale anggan at yud e kwa, ay at yud mafalelegan at take ay at bitis, ay at yud malo, ay anggan at yud glag.

Lukas 14:13 ပူးပေါင်းရင်းမြစ်များ

2 Samwel 6:19

Ay kanya nafon tinapay, yamas ay pasas sa sangay taw Israel, mangama man ay mangena. Sanya ginan kanya fag ngay taw noli wan sat mesa bale.

2 Krunika 30:24

Fun Esekyas nafon sa sangay taw sadik libuk baka tama, fituk libuk tupa ay kambing. Ay anggan at ngay tagfangguna nafon yangay sadik libuk baka tama, ay safuluk libuk tupa ay kambing. Ngayu tagfon fanggalangun at nafasine at ngay sadili.

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Nemyas 8:12

Nu katanya, fagayu taw noli wan laman nanfangon ay nanginum, ay namon fakonun sat yud e kwa. Kanya fagayu naseg ay nauseganan, aroro anyamag at natap sa anya Dius at longan.

Ub 29:13

Ay ngay taw tagakabulun nafadante angku, ay ku nagubuk fag ngay fagbubayun galubadan guseganan.

Fangatulun 14:31

Tagfalingun at yud e kwa, gfalingun Dius; dewa katanya, takafanyu at yud e kwa, gfauseganan Dius.

Fangatulun 22:9

Nusnga sinu tagfon tua at fakonun sat yud e kwa fag ngay taw, matuyan, e ggubuk yangay ban anya.

Isayas 58:10

abat ngate, foni tua ay fakonun sa sangay takalunus, ay foni sa sangay tagafalingunan at ngay fagayudanun, laman gdamlag tua ban am sis fagmadulumun, ay laman yabi umkata swabilug menit.

Isayas 58:7

Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.

Mateu 15:30

Ay ngayuk taw nanangakbang sa anya, ay nataban sa anya at yud malao, ay at yud mafalelegan at take ay at bitis, ay at yud glag, ay at yud maringang, ay e tiba yay, ay nafataygilidan anya fagayu sas Isus at salubangan. Ay Isus nafafia kanya fagayu.

Mateu 22:10

Ay at ngay fagsuguan nalo wa fia sa sangay dalan daul, ay gfaful fagayu at nalag taw dewa at mauri ay at masine. Ay nu katanya ankapnu wan at betaw sas fakadadwaan fag bale.

Lukas 11:41

Foni tua sat yud e kwa laman masine tua fagayu tagsi ayu.

Lukas 14:12

Isus nalong yangay sat nagewan anya te, “Nu nafalganan o ngay fakonun sim bale, am faggewanun say bale dangay ay ngay fagadgalangan ay am ngay faduksay ay am ngay kalongan ay anggan am ngay fasabale at maramraman. Aroro kanya ban fagayu, ggewan yangay emu sat bale.

Lukas 14:14

Ay umdasug ban sa emu at masine. Kanya fag ngay taw wa mafasud emu, dewa katanya, Dius waban tagfasud sa emu gina at matuyan fag ngay taw gdog gleleg.”

Lukas 14:21

“At fagsuguan anfoli ay nafoyung sat fun. At fun kadotama ay nalong sat fagsuguan te, ‘Masakiti sa sangay dalan ayu daul ay sa sangay dalan ayu sirut sa tam furuan, ay fastei ngay taw at yud e kwa, ay at yud mafalelegan at take ay at bitis, ay at yud glag, ay anggan at yud malo.’

Fakamulun 9:39

Ay Pedru nanangalo duama. Ay kanya nu ndasug sas furuan Upa, tibak tagafanud nataban anya sat tungud fag suluk. Ay ngay fagbubayun gwayway sis Pedru at ligung ay gfalag sa anya Durkas at nawat fag ngay ramit kaduge kanya gfaudgufudan anya fagayu.

Deuterunumyu 14:29

Ay foni sa sangay taw Lebi at yud e kwa daga, ay sa ay ngay betaw tagbanwan si ay talun, ay sa sangay yud e fagtainan ya ay sa sangay fagbubayun tagsi ay furuan, laman anggan kanya fagayu gfangon yangay ay kapsug. Nu nafakamulun tua ban am takatanya, ay Dius Yawi ggubuk tua ban gugat ayu nusnga setaw ay fakamulun.

Deuterunumyu 16:11

Ay nanguseganan am sa ay Dius Yawi at daga salubangan, sit nafili fag buknga nu inda nu gfauseganan am anya, gasfuan ay ngay sisian, ay ngay fagsuguan, ay ngay taw Lebi tagbanwan si ay ngay furuan, ngay betaw, at yud e fagtainan ya, ay anggan ngay fagbubayun tagbanwan si ay furuan.

Deuterunumyu 16:14

Nanguseganan am gasfuan ay ngay sisian, ay ngay fagsuguan, ngay taw Lebi, ngay betaw, at yud e fagtainan ya, ay ngay fagbubayun tagbanwan si ay furuan.

1 Timuteu 3:2

Katatuy at masine at ugali: di e kalong te, mauri, ay sadi way at mangena, ay saful tua gfaragang at sadili, ay di gfangadotama, ay masuyu tua, ay gfasakbo tua sat bale nusnga sinu fag taw, ay masine tua nu gfoyung,

1 Timuteu 5:10

ay at nafakamulun tua fia at masine, kata nu gfagurang at sisian, ay nu guseganan gfasakbo sat bale at fagyudun toglag fag ngay taw, ay nu ggubuk Dius at ngay nafili ay ngay tagayudan, ay nu gfon at sadili sas nusnge wain fag fakamulun at masine.

Titu 1:8

Nu bunway kanya gfasakbo tua sat bale nusnga sinu fag taw, ay kaylat tua at masine, ay malukme tua, ay matuyan sat ngay iba, ay galo fia Dius ay saful tua gfaragang at sadili.

Filemun 1:7

Ku faduksay, anggan au guseganan kyangay ay ansun, aroro siginan nu kesug o, nafae fagmanabayanun tuo anya fagayu.

Ebreu 13:2

Lag kalyam gfasakbo ngay betaw. E nafakamulun wan takatanya, ay kanya wa saful te, at nafasakbo fag ngay betaw Dius wa mangaro at ngay tagbarita.