Lukas 14:12 - Fanawbuid tagsibaliwas Fakayabian

¹² Isus nalong yangay sat nagewan anya te, “Nu nafalganan o ngay fakonun sim bale, am faggewanun say bale dangay ay ngay fagadgalangan ay am ngay faduksay ay am ngay kalongan ay anggan am ngay fasabale at maramraman. Aroro kanya ban fagayu, ggewan yangay emu sat bale.

Lukas 14:12 ပူးပေါင်းရင်းမြစ်များ

Fangatulun 14:20

Wa glayun nu e namagadgalangan sat yud e kwa fag ngay taw dewa at fasabale, dewa katanya, sat maramraman fag ngay taw, ngayu tua at namagadgalangan.

Fangatulun 22:16

Nusnga sinu fag taw tagfon sat maramraman, ay tagfalingun at maidap fag ngay taw laman kaylat kae ramraman, kanya ban umsik yud e kwa.

Mateu 5:46

Ay fakesugun nu takesug way lang ayu, wa ban am e fagfanyaun at masine siginans Dius. Aroro anggan ngay tagbul famayad laman sas fun kesug yangay takesug anya.

Lukas 1:53

Dius nafon at masine sa takalunus, laman kapsug. Ay kanya naiyan at maramraman, yud e buba.

Lukas 1:58

Elisabet at ngay fasabale, anggan at ngay kalongan, nadungug te, tam Fun maksvn nu ggubuk Elisabet. Ay kanya fagayu gfasfuan Elisabet guseganan.

Lukas 14:11

Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

Lukas 14:13

Nu nafalganan o sik ngay fakonun ngayu, gewani sam bale anggan at yud e kwa, ay at yud mafalelegan at take ay at bitis, ay at yud malo, ay anggan at yud glag.

2 Kurintu. 6:13

Kata sik mama nu glong sat ngay sisian, maksvn nu glong ami sa ayu te, esugi emi kata nu kesug ami ayu.