Lukas 13:8 - Fanawbuid tagsibaliwas Fakayabian

⁸ “Ay at tagalaga nalong te, ‘Fagtainan, toyap katsi fag banwa. Nanaksak kyay ban sat ligung fun ay namasanya sik famataglu.

Lukas 13:8 ပူးပေါင်းရင်းမြစ်များ

Alubad. 106:23

Dius anke algan gfabul at ngay taw. Dewa katanya, at fagsuguan Muisis nafafanyuan sas Dius te, “Lag gfataglayun am dotama. Lag gfabul.”

Nu Galin 34:9

Ay kanya nalong te, “Kin ku Fun, nu guseganan tuo angku, gfainfanyuan au sa emu te, aloi tua ban emi. Dewa mi kamaogatun em ngay amatanganan, falyami em fagmauriun ay em ngay asalanan. Aylati emi laman am ngay taw ami fia.”

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 18:20

Masine oma ku nafakamulun sa anya fagayu, dewa katanya, at famasud sa angku, mauri way. Ay kanya fagayu nalusung laman ku fakatongan, dewa au ankakbang ay nadarangin sa emu te, ‘Lag o gfaurianan anya fagayu aroro sam dotama.’

Uel 2:17

Am fag ngay tagfon fanggalangun tagfakamulun sis Yawi at daga salubangan, waywayi sis buknga fagirugan ay Yawi at bale at tangbi ay darangini te, “Yawi, afanyui am fagagbilugun fag ngay taw. Lag kaylat kanya fagayu nu gafaplan ay nu gagbilugan tibak talun at ngay taw taglong te, ‘Dada wan ay Dius?’ ”

Lukas 13:7

Ay kanya nalong sat tagalaga te, ‘Kauri au, tulu wak banwa nu gfoyfolian au gugat stae laman nanlag te, o e rawvg tua, ay kwe nalag. Fuani wan, aroro kanya we tungkul ay kamaut way ku daga.’

Lukas 13:9

Bangaran ban manga grawvg tua fadogan fag banwa. Ay nu dway ban e rawvg, gfuan waban ta dayvm.’ ”

Lukas 14:35

Nu katanya, kafag barara we tungkul, dewa famataglu fananumun. Taw gukas wan. Fagayu am tagdungugan, amatangani tua fia.”

Ruma 10:1

Ku ngay faduksay, maksvn ku fakaylatun ay ku darangin sas Dius te, ngay taw Israel ban nangus umlangfe tua.

Ruma 11:14

Bangaran ban manga siginan ku fakamulun, tiba ku kaiban fag ngay taw Udyu nalabian, ay laman ban tiba umlangfe yay.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.