Lukas 13:7 - Fanawbuid tagsibaliwas Fakayabian

⁷ Ay kanya nalong sat tagalaga te, ‘Kauri au, tulu wak banwa nu gfoyfolian au gugat stae laman nanlag te, o e rawvg tua, ay kwe nalag. Fuani wan, aroro kanya we tungkul ay kamaut way ku daga.’

Lukas 13:7 ပူးပေါင်းရင်းမြစ်များ

Nu Galin 32:10

Nu katanya, fabayani wa angku namamin anya fagayu aroro maksvn nu kauri au. Ay namasik mabalyanan au emu anggan am kasugfunanan.”

Daniel 4:14

Kanya nauro te, ‘Fuani kanya fag fun kayu ay lifungi at ngay sanga. Buli at ngay don ay ukasi at ngay rawvg. Ay sabugi ngay mangilafang tagfalanbung sanya ay ngay manuk tungud tagfugad sit ngay sanga.

Lebitiku 19:23

“Gina ban am andasug sa ku nafon ayu fag talun, lag yap ban kon ay ngay tanum at rawvg kaduge tuluk banwa. Tuyani yap te, masuya.

Lebitiku 25:21

Ay galay ban sis faunumk banwa gfadante au ay ngay gamasun laman ban ngayu tua ay gutluan kaduge tuluk banwa.

Mateu 7:19

Ay fagayu kayu nu dway masine at rawvg, e gfuan ban ay gukas sasad afuy.

Lukas 13:8

“Ay at tagalaga nalong te, ‘Fagtainan, toyap katsi fag banwa. Nanaksak kyay ban sat ligung fun ay namasanya sik famataglu.

Lukas 3:9

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.”

Uan 15:2

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.