Lukas 13:35 - Fanawbuid tagsibaliwas Fakayabian

³⁵ Dungugani! Wa ban e gbanwan ya si emu. Ay glong au emu te, wa ban o lumag angku yakmay ban o lumong te, ‘Segi takadasug sa tam Fun at ngayan.’ ”

Lukas 13:35 ပူးပေါင်းရင်းမြစ်များ

Alubad. 118:26

Yawi ban nangus ggubuk tua at nasugu takadasug, ay gfauseganan ban mi anya sis Yawi at bale.

Alubad. 69:25

Kanya nangus fagayu mubun wan at ngay bale ramit, laman we namanwan ya sanya.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Eremyas 22:5

Dewa katanya, nu dway ban am gfaning ku ngay suguan, gfatuyanan au te, nangiklas kban fun at bale.”

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Sakaryas 14:2

Aroro ginanya ban Yawi namaful fagayu talun at ngay taw laman namawayan Erusalem. Ay kanya ban fagayu nangagbilug Erusalem, ay nangago fagayu nusnge wain sit ngay bale, ay namakamulun at mauri sa sangay mangena. Kanya fagayu nantaban sik wabilug ngay taw Erusalem sa tangayayu fag talun. Dewa katanya, at kinsawad ban gbanwan yay gugat sit furuan.

Mateu 21:9

Ay ngay taw tagsit fagunan ay tagsit faguyanan guro te, “Fadi fadi, O fun Dabid at kasugfunanan! Segi takadasug sas Dius at fagmabalyananun! Fadi fadi, segi Tiba Tungud fag Dius!”

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Lukas 19:41

Ay Isus nu kakbang wan sas Erusalem, ay nu nalag kafag furuan, kanya gwayway, aroro kabalu,

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Uan 12:13

Ay kafag ngay taw nanamul sik ngay don taya maragbuk laman namablang Isus, ay nauro te, “Fauseganani Dius! ‘Mauseganan takadasug sas Dius at fagmabalyananun.’ Ay mauseganan taw Israel at Fun.”