Lukas 13:34 - Fanawbuid tagsibaliwas Fakayabian

³⁴ “Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Lukas 13:34 ပူးပေါင်းရင်းမြစ်များ

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Nemyas 9:30

Dewa katanya, aroro mafangesug tuo, nagwantan tuo ngayuk banwa, ay am Falad nafoyung anya siginan am ngay taglong. Dewa katanya, kanya fagayu wa gfaning, ay nafabayan wo anya fagayu laman gababawan sit ligung fag ngay talun at taw.

Alubad. 149:2

Ngay taw Israel, useganani sa ay Takawat, Ay am fag ngay taw tagbanwan sis Siun, useganani sa ay Fun Dius.

Alubad. 17:8

Alagai angku kata ngay taw nu gdiri at ngay mata, ay suksuki angku kata sik fanginan nu glub at ngay riangan sit daga fakfak.

Alubad. 36:7

Dius, maksvn tua nu kesug o, ay di e fakatabuan. Nu katanya, fagayu taw nansarirung sam daga fagmabalyananun, kata sik fanginan nu glub at ngay riangan.

Alubad. 57:1

Dius, afanyui angku, aroro o wan ku fagsarirungan. Gsarirung au si emu kata sik riangan manuk sit mina at daga fakfak yakmay fagmauriun anlangfe.

Alubad. 81:13

Nu nafandungug di long am angku! Ay nu namanwan di am kata ku balyawvtan,

Alubad. 91:4

Kanya gdiri emu kata sik manuk tungud nu glub at ngay riangan. Ay at fagmatuyanun tagdiri ban emu kata sik famalabag.

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Isayas 50:2

Wain am fagyudun naylat angku ebi gina au bagu kadasug? Wain am fagyudun gbalus angku ebi gina au guro emu? O nunda kwa mafalangfe emu? Mafalanggang kway dagat siginan sik aringang. Ay mafakata kway talun at magong ngay liskung laman ngay albon umbul.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 26:23

Nu katanya, kanya fagayu nalao sas talun Igiptu ay nataban anya sas fun Yuyakim, ay kanya fagayu nafabul Urya siginans fiso tagsumbalian at uyup, ay naukas at bilug sas fagfolian at yud kadungug fag ngay taw.

Eremyas 35:14

Yeunadab, Rekab at baguama, nafararang sat ngay gaban te, lag ginum fanlangu, ay at ngay gaban nafaning tua. Ay dasug katsi, kanya fagayu wa ginum fanlangu aroro gfaning tua at mangaguyang Yeunadab at suguan. Dewa katanya, am, wam nafaning angku, dewa ngayu ginan nu glong au sa ayu

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Usea 11:2

Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Uel 2:23

Am fag ngay taw tagbanwan sis Siun, useganani sa tam Dius Yawi, aroro nafadasug sa ayu taguna fag arak laman gfalag te, matuyan. Kanya gfadasug tua gugat taguna ay taguyan fag arak kata ebi ginan.

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Mateu 22:3

Ay kafag fun nasugu at ngay fagsuguan, laman nantaban sanya ebi ataw at nagewan fag ngay taw. Ay kafag ngay taw wa kaylat sanya.

Mateu 22:6

ay tiba nagamat kafag fun at fagsuguan ay nafauri ay anggan nafabul anya.

Lukas 15:28

“Ay at kaka fag baguama kadotama ay wa kaylat gsakbo. Nu katanya, at mama naduksun ay nafalukmeanan te, ‘Baguama, sakboi wan.’

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”

Lukas 23:28

Ay Isus anbiling ay nalong sa sangay mangena te, “Furuan Erusalem at ngay mangena, lag gwayway, dewa am kabalu angku. Ay fagwaywayun, sa yakman ay sadili ay sa ay ngay sisian.

Fakamulun 7:52

Ay ngay mangaguyang nafauri Dius at taglong fagayu. Ay kanya fagayu nafabul fagayu tagfoyung te, Kadasug ban at Matuyan. Ay kanya nu ndasug nafoyung am anya sat mauri fag ngay taw ay nafabul.

Fakamulun 7:59

Kaduge ngay taw gfana, Esteban gdarangin te, “Ku Fun Isus, gfatigwanan kwa sa emu ku falad.”

Fakamulun 8:1

Ay Saulu nafadiuganan nu gfabul Esteban. Siginan ginanya, maksvn nu gfaurianan ngay tagafanud sis Erusalem. Nu katanya, fagayu tagafanud nasaruayan sas talun Uda ay talun Samarya. Ay at yud nalao siginans Erusalem, ngay nasugu way lang.

Deuterunumyu 32:29

Kanya fagayu nu e fagsafulun di, nasaful tua ro takafasludan sa anya.

Deuterunumyu 5:29

Kanya ban nangus fagayu gsuyu tua gugat angku ay gfaning tua gugat ku ngay suguan, laman ban manabayan tua gugat nu mabanwan anggan at ngay kasugfunanan.

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.

Rut 2:12

Nu katanya, Yawi ban nangus gfon emu nusnge wain aroro sam ngay nafakamulun. Yawi, Israel at Dius, am fakakbangan gfamut yay ban at ngay fon emu.”