Lukas 13:29 - Fanawbuid tagsibaliwas Fakayabian

²⁹ Ay umdasug ban ngay taw siginans fakamenitan ay siginans fakayabian ay siginans fawalan ay fasiunan, laman malunggung sas fagfangonan sis Dius at fagfagtainanan.

Lukas 13:29 ပူးပေါင်းရင်းမြစ်များ

Fakasigadan 28:14

Am ngay kasugfunanan ban kayu lukbu sis daga, ay gsaruayan ban sas fagayu afud daga. Ay siginan ban emu ay am ngay kasugfunanan ggubuk kban fagayu taw sas fagdaul daga.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 8:11

Glong au ayu te, ngayu bank taw umdasug siginans fakamenitan ay siginans fakayabian ay malunggung gfangon gasfuan Abrayam, Isak ay Akub gina ban Dius gfagtainan.

Markus 13:27

Ay gsugu kban ku ngay tagbarita laman namaful ku nafili fag ngay taw siginans fagayu talun, ay dewa ndaginan fag fungfung daga.

Lukas 13:30

Ay amatangani: nusnga sinu at naguyanan katsi, kanya ban gumuna. Ay nusnga sinu at naguna katsi kanya ban gaguyanan.”

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.