28 “Nu nalag ban am Dius nu gfagtainan Abrayam ay Isak ay Akub, ay anggan Dius at taglong fagayu, ay am ban naiyanan way am, gwayway ban am gugat ay gfaringgit ay ngay bagang.
Ay at mauri ban fag ngay taw lumag takatanya, ay gfaringgit ban at ngay bagang at kaksvnan nu kadotama, ay kata ban nu katinas at kaksvnan nu kapla. Ay at ngay algan ban wa kafasludan.
“Ay kafag fun nalong sat ngay fagsuguan te, ‘Salodi kafag mangama at take ay at bitis ay ukasi sat madulum. Ay kanya ban gwayway gugat sanya ay gfaringgit at bagang.’ ”
Ay am fag ngay taw tagbanwan sis furuan Kapernaum, o gamatangan am te, e namabat ban ayu sas banwa? Duan! Nustua e nangukas way ban ayu sa sangay kinbul at talun.
At sadi at malunggung sis fagfangonan nu nadungug Isus at longan, nalong sas Isus te, “Mauseganan sik taw nu nanfangon nu sa tuas Dius at fagfagtainanan.”
Ay kafag taw at maramraman nu si wa sangay kinbul at talun, maksvn nu gidapan. Ay kanya nabanawan sasad ngayayu, ay nalag Abrayam ay anggan Lasaru sit day tigyangan.
Kanya wan tagfatuyan te, Dius saful tua gfili takalangfe ban, ay nu katanya kanya tagfatuyan te, namagamut ban ayu sas Dius at fagfagtainanan. Kanya wan ay fagagwantanun katsi.
Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”
Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.