Lukas 13:25 - Fanawbuid tagsibaliwas Fakayabian

²⁵ “Ay kanya fag tagagbilug bale nu nlindug ay nu nadingding wan at sakbawan, am si way am slod bale, ay katuk am sis sakbawan ay guro te, ‘Em Fun, luangi, fasakboi emi.’ Ay kanya gbalus ayu te, ‘Kwa toglag ayu ay kwa saful te, daginan am.’

Lukas 13:25 ပူးပေါင်းရင်းမြစ်များ

Alubad. 32:6

Nu katanya, fagayu taw at matuyan masine nu gdarangin sa emu kaduge e buknga, laman dewa faurianan andasug kata sik lugwak, kanya fagayu di kafaurianan.

Isayas 55:6

Akbangi sas Yawi ay darangini kaduge kanya munakbang si ayu, laman kanya ggubuk ayu.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Lukas 13:27

“Ay at Fun lumong ban ayu te, ‘Kwa toglag ayu ay kwa saful te, daginan am. Loi wan fagayu am, tagfakamulun at mauri.’

Lukas 3:8

Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Lukas 6:46

“Wain ro ay fagngayanun angku te, ‘Ku Fun, ku Fun,’ nu dway ngap am gfaning ku longan?

2 Kurintu. 6:2

Aroro kanya nalong te, “Ebi gina au gfalag sa emu ku fakafanyun, nadungug ktua am darangin, ay ebi gina fakalangfean fag menit nagubuk ktua emu.” Amatangani, katsi wan at buknga nu gbul am Dius at fakafanyun. Katsi wan fag menit fakalangfean.

Ebreu 12:17

Nasaful wam kanya naet sat mama te, “Fadantei wa ngani sa angku.” Dewa katanya at mama wa nafon at fagetun, aroro Isaw at nafakamulun wa kafafoli ya, kanya ro dewa gugat get gwayway.