Lukas 13:22 - Fanawbuid tagsibaliwas Fakayabian

²² Isus nataglayun sat dalan sas Erusalem ay nadalan sa sangay furuan ayu daul ay sa sangay furuan ayu sirut, ay kamoyung sa sangay taw tagbanwan sanya.

Lukas 13:22 ပူးပေါင်းရင်းမြစ်များ

Mateu 9:35

Ay Isus nalo sa sangay furuan ayu daul ay sa sangay furuan ayu sirut, laman namoyung sanya fag ngay bale fakafulan at masine fag barita sabaliwas Dius nu gfagtainan. Ay Isus nafafia fagayu taw nusnge wain at fakasaitun.

Markus 6:6

Ay Isus maksvn nu kadulo aroro sanya fag ngay taw wa gafanud. Isus nalo sat fakbangan fag ngay furuan laman namoyung.

Lukas 13:23

Ay sik taw nainto sas Isus te, “Ku Fun, o wa ban ngayu takalangfe?” Ay Isus nabalus te,

Lukas 9:51

Nu munakbang wan fag menit Isus nu kafoli sas banwa, anke algan glao sas Erusalem.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.