Lukas 13:19 - Fanawbuid tagsibaliwas Fakayabian

¹⁹ Kanya kata sik rigrig burarad, sik taw nabuba sat gamasun ay narigrig. Kafag rigrig natugbung ay anbia, ay nu kadaul wa sik kayu, manuk tungud gfugad sit ngay sanga.”

Lukas 13:19 ပူးပေါင်းရင်းမြစ်များ

Sulumun at Alubad 4:12

Ku fakesugun fag baguina, madirian tuo kata sik tanuman at maaladan, ay kata sik bulbug at masuksuk.

Sulumun at Alubad 4:16

Tagmara tagsiginans fawalan ay fasiunan fag alvngvdan, uyupi sa ku tanuman laman kayuk nu mabebanglu. Ku fakesugun fag mangama, sakboi sam tanuman laman nangon o at mayayum fag ngay rawvg.

Sulumun at Alubad 6:2

Ku fakesugun fag mangama nalao wan sat gamasun at ke ngay tanum fangawat famaebebanglu, laman nangalaga sanya at ngay fagbaugun, ay namul ngay barugwak.

Sulumun at Alubad 8:13

Ku fakesugun fag baguina tagfanloan sis tanuman, ku ngay fagadgalangan ngap nu nadungug tua am aringang, fadungugi yangay anggan sa angku.

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Esekyel 31:6

Sik gaban manuk tungud gfugad sit ngay sanga, ay fagayu mela sasad araw nanriangan sanya fag kayu at daga, ay fagayu takadungug fag talun nansarirung sanya.

Daniel 4:12

Masine at ngay don ay ngayu at rawvg, fagayu tagleleg at fakonun. Ngay mela gsarirung sanya ay ngay manuk tungud gfugad sat ngay sanga. Ay fagayu tagleleg sanya ginan wan nu gbul at fakonun.

Daniel 4:21

at ke ngay don masine ay tangayu at rawvg fagayu tagleleg at fagnangonun, ay ngay mela at fagsarirungan ay ngay manuk tungud at fagfugadan sit ngay sanga,

Mateu 17:20

Ay Isus nabalus anya te, “Aroro alay way ay fagafanudun. Ay matuyan nu glong au ayu te, ay fagafanudun dewa kadaul sik rigrig burarad, malong am ste fag buksul te, ‘Alini wan sanya ginan,’ ay kanya galin. Ay mafafakamulun am nusnge wain.”

Markus 4:30

Isus glong yangay te, “Tain ro nu gfafaskudanan au Dius at fagfagtainanan, ay tain nu gfafaydayuanan?

Lukas 17:6

Ay tam Fun nabalus te, “Nu e fagafanudun di am kadaul sik rigrig burarad, malong am snay fag kayu te, ‘Aguladi ay alini sasad dagat,’ ay kanya ro gfaning ay longan.

Fakamulun 2:41

Ay ngayu at nafanud sat foyungan ay kanya fagayu ansurung, ay ginanya fag menit arvs tuluk libuk taw at kinfamut sa sangay tagafanud.

Fakamulun 21:20

Kafag ngay taw nu nadungug, kanya fagayu naseg Dius. Ay nalong sas Pablu te, “Faduksay, katsi, ngay taw Udyu, ngayu wan tagafanud sas Isus, ay kanya fagayu maseganama nu gfaning Muisis at Faugali.

Fakamulun 4:4

Dewa katanya, ngayuk taw at nadungugan ay at nafanud sas Isus siginan duama at foyungan, nu fagayu wan limak libuk mangama.

Ruma 15:19

Siginan at ngay madulo ay at mabalyanan fag ngay fakamulun tagsiginan at Masine fag Falad at fagmabalyananun, nafamoyung kwan at Masine fag Barita sabaliwa tam Fun Isus sas fagayu talun siginans Erusalem sitsigons talun Iliriku.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”