Lukas 13:14 - Fanawbuid tagsibaliwas Fakayabian

¹⁴ Sanya fag bale fakafulan at tagfangguna kauri aroro Isus nu gfafia gina way Famiangalay fag Menit. Ay kafag tagfangguna nalong sa sangay taw te, “Unum wayk menit nu gfakamulun am, ay ginanya fag ngay menit nu kadasug am stae laman namafia ay ngay fakasaitun, ay lag am namafia gina Famiangalay fag Menit.”

Lukas 13:14 ပူးပေါင်းရင်းမြစ်များ

Nu Galin 20:9

Nu gfakamulun am unum wayk menit,

Nu Galin 23:12

“Fakamuluni kaduge unumk menit ay lag am gfakamulun sis fafituk menit laman gfiangalay tuam, anggan ay ngay baka, ay anggan ay ngay asnu, ay anggan ay ngay fagsuguan, ay anggan fagayu ay betaw tagbanwan si ayu.

Esekyel 20:12

Nafalganan kyangay sa anya fagayu Famiangalay fag Menit laman famamatang ku nasadian sa anya fagayu. Kanya tagfamatang sanya fag ngay taw te, au Yawi at nafili anya fagayu te, ku ngay taw fia.

Esekyel 34:21

Am fag ngay mataglu, natulud am ay nasunge at mamomuy yakmay kanya fagayu nyayu.

Lebitiku 23:3

“Unumk menit nu gfakamulun am, dewa katanya, sis fafituk menit fiangalayi way ay afuli, aroro ginanya Famiangalay fag Menit. Lag am gfakamulun ginanya fag menit nusnga nday nu gbanwan am, aroro ginanya nu gfauseganan am Yawi.

Mateu 12:2

Ay sik ngay taw Fariseu nu nalag, nalong sas Isus te, “Damai am ngay tagadal at fakamulun. Takatanya wa gfaning tam faugali sabaliwas Famiangalay fag Menit.”

Markus 5:22

Ay sik tagfangguna sis taw Udyu at bale fakafulan andasug, at ngayan Ayru. Ay Ayru nu nalag Isus namalub sit daga salubangan,

Lukas 6:11

Ay ngay tagfoyung Muisis at Faugali ay ngay taw Fariseu maksvn nu kadotama, ay gkamatoan te, “Tain ban tam fakamulun sas Isus?”

Lukas 6:7

Ay sanya fag ngay tagfoyung Muisis at Faugali ay taw Fariseu gulit, laman sumaful te, o Isus ro gfafia gina Famiangalay fag Menit, aroro kaylat namoyung sa tibak taw te, Isus e asalanan.

Lukas 8:41

Ay sik taw at ngayan Ayru andasug. Kanya sik tagfangguna sas taw Udyu at bale fakafulan. Ay kanya namalub sas Isus at daga salubangan ay gtaban anya sat bale.

Fakamulun 13:15

Ay nu ntabu gtap sik afud Muisis at Faugali ay siginan Dius at ngay taglong at rirukan, bale fakafulan at ngay fagtainan nasugu at fagsuguan laman nanlong sas duama te, “Em ngay faduksay, nu e fagyalongun yayam laman famaksvn ste fag ngay tagafanud, foyungi emi.”

Fakamulun 18:17

Ay fagayu taw nagamat Sustenes, tagfunan taw Udyu at bale fakafulan, ay nafalang anya sis day tagwabilug at bale. Ay Galyu wa nsalag.

Fakamulun 18:8

Krispu, tagfangguna sanya fag bale fakafulan, ay at fagyafunan gafanud sa tam Fun, ay ngayuk taw Kurintu at nafanud ay at kinsurung nu nadungug Pablu at foyungan.

Ruma 10:2

Gfatuyan au te, kanya fagayu maseganama nu gfaning Dius, ay dewa katanya, at fagmaseganamaun bunwa siginan at matuyan fag fagsafulun.

Deuterunumyu 5:13

Nu gfakamulun am, unumk menit,