Lukas 12:4 - Fanawbuid tagsibaliwas Fakayabian

⁴ “Ku ngay fagadgalangan, gfoyung au sa ayu te, lag kalimu tagfabul ay bilug, aroro at fagmakatuun tagfabul way lang ay bilug.

Lukas 12:4 ပူးပေါင်းရင်းမြစ်များ

Fangatulun 29:25

Nu kalimu way o tibak taw, kata nu nsangdaw o. Dewa katanya, nu gafanud tuo sas Yawi, umlangfe tuo.

Sulumun at Alubad 5:1

Ku fakesugun fag baguina, ku mangena ban, ste kwan stanuman, gbul au ku ngay famaebebanglu. Ay ginum au deut, ay fanlangu ay baka at susu bilug. Am fagdua takedkesugan, em fagadgalangan, fangoni ay inumi! Nu kedkesugan am kata fanlangu. Nu katanya, fayui nu ginum am yakmay am ankapyan.

Sulumun at Alubad 5:16

At lislis matamis. Anud fagayu tagsi anya malabian mandi. Nafoyung au sa ayu fag ngay baguina sis Erusalem te, kata kanya ku fakesugun fag mangama at kawalungan.

Isayas 41:8

Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Eremyas 1:17

Eremyas, falganani! Ay loi wan ay namoyung o sa anya fagayu ku longan emu. Lag o kalimu. Aroro nu nlimu way ro wo, gfaugat kro nu kalimu o gina o sanya fag ngay taw at daga salubangan.

Eremyas 1:8

Lag o kalimu ngay taw aroro gufud kban ay gdiri emu. Au, Yawi, taglong tuy.”

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Esekyel 2:6

Lag o kalimu anya fagayu. Lag o kalimu dewa at ngay longan kata sik dugi ay sik libaga nu nagat. Kanya fag ngay taw sik ngay takamabo way.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Uan 15:13

We gtungud ya sik taw nu kesug, nu nafon wa at leleg sat ngay fagadgalangan.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 4:13

Ay kanya fagayu andulo nu nalag Pedru ay Uan nu maseganama kamoyung, ay nu nasaful te, duama wa nadal ay we fagsafulun. Ay nasaful yangay te, duama Isus at ngay nasugu.

Filipus 1:28

ay diam kalimu ay ngay fawayan. Takatanya ay fakamulun gfatoglag te, ay fawayan ban umfaurianan, ay dewa katanya, Dius gfalangfe tua ban ayu.

Santiagu 2:23

Ay anfasludan wan Dius at Longan te, “Abrayam gafanud sas Dius at longan ay Dius natap anya kata nu yud e asalanan.”

1 Pedru 3:14

Ay dewa e nafauri ayu aroro gfakamulun am at masine, mauseganan am. Lag am kalimu kafag ngay taw at ngay famalimuanan ay lag am gafanawa.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.