Lukas 12:32 - Fanawbuid tagsibaliwas Fakayabian

³² “Lag am gafanawa, deyud am ngayu, aroro ay Mama naylat gfagtainan ayu.

Lukas 12:32 ပူးပေါင်းရင်းမြစ်များ

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Mateu 14:27

Ay arodi vtv Isus nalong sa anya fagayu te, “Faksvni ay amatanganan. Au way, lag am kalimu.”

Mateu 20:16

Ay Isus nalong te, “Nu katanya, at naguyanan, kanya ban gumuna, ay at naguna, kanya ban gaguyanan.”

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Mateu 7:15

“Dirii ngay tagfandaya te, ‘Au wan at sadi Dius at taglong.’ Kanya gina kadasug sa ayu magup kata sik ngay tupa. Ay dewa katanya mangaro kafag ngay taw kata way sik ngay tagfangagat fag idu talun.

Lukas 10:21

Ay ginanya, Isus maksvn nu guseganan aroro siginan at Masine fag Falad, ay glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw. Anud, Mama, aroro katanya tua am fakaylatun.”

Uan 18:36

Isus nabalus te, “Ku fagfagtainanan wa ste swa daga. Nu ste way ro swa daga, satu ro ku ngay fagsuguan gfawayan wan taw Udyu at ngay tagfangguna laman wa nanggamat angku. Duan, wa ste swa daga ku fagfagtainanan.”

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Fakamulun 20:29

Saful kwa te, nu nalo kwa ban, e kadasug ban sa ayu sik tagfangagat fag idu talun, ay gugatan namabul ay fagalagaun fag ngay tupa.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

1 Kurintu 1:21

Aroro Dius mamatanganan, kanya wa naylat taw nu gtoglag anya nu siginan way ste swa daga fag fagmamatanganun. Nu bunway, Dius kaylat gfalangfe nusnga sinu tagafanud sa em foyungan fag Masine fag Barita, tibak taw at nafayud e tungkul.

Filipus 2:13

aroro Dius tua tagfakamulun gugat sa ayu laman makatu am gfaning at fakaylatun.

2 Tesalunika 1:11

Nu katanya, gdarangin ami gugat te, tam Dius ggubuk ayu laman matuyan tua nu gbanwan am, am fag ngay nafili. Ay gdarangin yangay ami te, Dius at fagmabalyananun taggubuk ayu sas fagayu at masine ay fakaylatun gfakamulun aroro sa ay fagafanudun.

2 Tesalunika 1:5

Kanya wan tagfatuyan te, Dius saful tua gfili takalangfe ban, ay nu katanya kanya tagfatuyan te, namagamut ban ayu sas Dius at fagfagtainanan. Kanya wan ay fagagwantanun katsi.

Ebreu 12:28

Useganani aroro tam fagnamulun ban siginans Dius fag fagfagtainanan di ban kauig. Nu katanya, segi fauseganani tam Dius. Alimui fia faningi anya ay suyui tua anya.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

2 Pedru 1:11

Nu katanya, Isus, tam Fun ay tam Tagfalangfe, namaful ayu sat fagfagtainanan yud e fakatabuan ban kabavn.

At Nafasure 1:6

Kanya nafili antam laman sik ngay fun ay sik ngay tagfon fanggalangun laman namakamulun sat Mama, Dius. Si wa anya fagmasineun ay fagmabalyananun kabavn ban. Anud.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.