Lukas 12:21 - Fanawbuid tagsibaliwas Fakayabian

²¹ “Katanya ban sik taw at nafungsu at ngay ramraman ste swa daga, ay wa ngap maramraman sas Dius.”

Lukas 12:21 ပူးပေါင်းရင်းမြစ်များ

Fangatulun 13:7

Tibak taw gfalagan te, maramraman, dewa katanya, maidap way, ay e tibak taw gfalagan te, sik maidap way, dewa katanya, maramraman tua.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Abakuk 2:9

Ida am, takawat ay ngay bale siginan ay nabul fag ngay salapi sat mauri fag ngay balyawvtan. Nafaksvn am ay ngay bale laman ban malangfe am nu ndasug faurianan.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 16:11

Ay nu dway matuyan nu gagbilug am ste swa daga fag ramraman, wa ban e gfatigwanan sa ayu at matuyan fag ramraman.

Lukas 6:24

“Ida am, fag ngay taw at maramraman, aroro nabul wam ay fakasunan.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

2 Kurintu. 6:10

Maksvn nu kabalu ami, ay dewa katanya, guseganan tuami gugat. Dewa mi kata at yud e kwa, gfaramraman tuami ngayuk taw. Ay dewa mi kata at yud e fagagbilugun, e kwa tuami fagayu nusnge wain.

1 Timuteu 6:9

Takaylat nangaramraman umtong sas famaskud ay sas sangdaw ay sat yud matuyan ay at mauri fag algan tagtaban taw sas fakabaluun ay sas faurianan.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

At Nafasure 2:9

Saful kwan ay fagagwantanun fag ngay fagidapun. Saful kway te, sik ngay maidap way am, ay at matuyan maramraman am. Ay saful kyangay te, e gfalingun ayu. Kanya fag ngay taw kamuagan te, sik ngay taw Udyu, ay at matuyan kanya fagayu Satanas way at ngay taw.