Lukas 12:19 - Fanawbuid tagsibaliwas Fakayabian

¹⁹ Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Lukas 12:19 ပူးပေါင်းရင်းမြစ်များ

Ub 14:1

Taw at leleg wa ngaba ay ngayu at fagidapun.

Alubad. 49:18

Kaduge kanya fagayu gleleg, gtap at sadili te, mauseganan, ay tibak taw gfauseganan anya, aroro nusnga setaw at fagdalanun, manabayan tua gugat.

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Fangatulun 10:2

Sik ramraman nu siginan way at mauri fag balyawvtan, wa mafae fagmasineun, dewa katanya, nu matuyan tua am ugali, takatanya gfalangfe tua am leleg.

Fangatulun 14:24

Sik taw at ke fagsafulun, at famauseganan anya at fagsafulun wan. Dewa katanya, at yud mamatanganan kafamut way at fagyudun mamatanganan.

Fangatulun 18:11

At maramraman fag taw at fagsegun at ramraman ban mafagubuk anya, kata sik maksvn fag alad nu maligung furuan.

Fangatulun 23:5

Aroro ramraman masakit way nu kamin, kata sik bio taglayugan sis kiwang.

Fangatulun 27:1

Lag yap o kamanagsag am fagnamakamulunun ban balabag, aroro yo saful te, katanya ban balabag takadasug.

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Isayas 22:13

Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Isayas 5:11

Ida, afanyuan am! Am takafulo masurip laman nanginum fanlangu, ay am tagfasigad ginum siginans fafun sitsigons buknga yabi laman galangu am.

Isayas 5:8

Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Usea 12:8

Am fag ngay taw Israel, kamatungudun am glong te, ‘Nafaful ami ramraman, ay katsi, maramraman wami. We malong ya te, anramraman ami siginan at mauri fag ngay balyawvtan, aroro nasaful waymi te, takatanya asalanan.’

Amus 6:13

Guseganan am nu nababo am furuan Lu-Debar ay Karnaim, ay glong am te, “Nababo tam kafag furuan siginan tam sadili fagmabitsugun.”

Abakuk 1:16

Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Lukas 12:18

“Ay kanya nalong te, ‘Nasaful kwan ku fakamulun. Nangiklas kban ku bale famoy ay gdog kyay nangawat labi yap tua aro taw. Ay sanya ban nu gfasakbo au ku gutluan ay ku ramraman.

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

1 Kurintu 15:32

Ku fawayan ste sis furuan Efesu kata sik ngay idu talun tagfangagat, ay we tungkul nu gfawayan au nu sa ways taw at leleg katsi. Nu matuyan way ro te, Dius ban wa gfadog ya gfaleleg at ngay kinbul, at masine, “Gfangon yakman lang tam ay ginum, aroro balabag ban manga kabul watam.”

Filipus 3:19

Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

1 Timuteu 5:6

Dewa katanya, sik fagbubayun tagfaning at sadili fakaylatun, kanya kata wan nu mabulan dewa gleleg yay.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

2 Timuteu 3:4

ay gfanlukan sat ngay iba, ay gfangabanganan, ay kamatungudun, ay kesug way at sadili fakaylatun abat ngate kesug Dius,

Santiagu 5:5

Nabul wam ay fakaylatun ay ay fagalabianun ste swa daga. Nafataglu am ay sadili kata fagfilasun fag bumbu at mafatagluan.

1 Pedru 4:3

Faragangi wan nu gfakamulun kata ebi ay fakamulun, kata ngay taw at yud natoglag Dius at fakaylatun gfakamulun: nu gfaning am ay bilug at fakaylatun, ay nu kamasaweun am nu guseganan am, ay nu glanguan am, ay nu gseg am at yud matuyan fag ngay fagsegan.

At Nafasure 18:7

Nusnga setaw nu gfauseganan at sadili, faurianani ay fae fakabaluuni yangay anya, aroro kanya glong sat sadili te, Malunggung au kata sik mangena fag fun, bundi au sik fagbubayun, ay kabavn ban kwa kabalu.

1 Samwel 30:16

Ay kanya nataban Dabid ay at ngay tagfawayan, ay kanya fagayu natunggu ngay taw Amalek nu grapyagan gfangon ay ginum fanlangu ay guseganan aroro ngayu at nabul ramraman siginan sa ngay taw Filistia ay sangay taw Uda.