Lukas 11:9 - Fanawbuid tagsibaliwas Fakayabian

⁹ “Nu katanya, glong au sa ayu te, eti, ay gfon ro sa ayu. Rvbvyi, ay lumag am. Atuki, ay gluang ro laman sa ayu.

Lukas 11:9 ပူးပေါင်းရင်းမြစ်များ

Alubad. 118:5

Gina au e fagidapun, ankakbang au sas Yawi, ay kanya nabalus tua ay nafalangfe angku.

Alubad. 27:4

Yawi, get au sa emu te, kaduge kban gleleg aylati nu namanwan au sa emu, laman lumag au fia am fagmasineun, ay gamatangan ktua fia sa emu.

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Alubad. 34:10

Dewa at mabitsug fag ngay liun tibaginan kalunus way, dewa katanya, fagayu taw tagafanud tua sas Yawi di gakurangan nusnge wain at masine.

Alubad. 34:4

Nadarangin au sas Yawi, ay nabalus tua angku. Ay nafalangfe angku siginan ku ngay fakalimuun.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Sulumun at Alubad 5:6

Naluang au sakbawan, dewa katanya, kwe lagan ya anya. Ay nauro au anya ay wa nabalus.

Isayas 45:19

Ku ngay nalong di e masuksuk. Kwa ro nalong sas Akub at ngay kasugfunanan te, ‘Rvbvyi angku,’ nu dway ro e fagsegun te, lumag ro angku. Au wan Yawi, ku ngay nalong matuyan. Glong au fagayu at masine.”

Eremyas 29:12

Nu katanya, guro tua ban am ay gdarangin sa angku, ay gdungugan ktua ban ayu.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Daniel 9:3

Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Mateu 21:22

Ay nusnge wain ay fagetun gina am gdarangin, gfon wa fia ayu, nu e fagafanudun tuam.”

Mateu 21:31

“Inday ro sanya fag duksay at nafaning at mama at fakaylatun?” Ay kafag ngay taw gbalus te, “At taguna.” Ay Isus nalong yangay anya te, “Matuyan nu glong au ayu te, ngay tagbul famayad laman sas fun ay ngay takamatugtug gumuna ayu nu nangatap sas Dius at fagfagtainanan.

Mateu 6:29

Ay glong au ayu te, nusnga fun Sulumun nasulun at tiba tungud at lanbung at masine nu kalag, kanya ya kamasine sik barugwak.

Markus 11:24

Nu katanya, glong au ayu te, nusnge wain ay fagetun gina am gdarangin, afanudi te, umfasludan fia, ay sumawa fia ayu.

Markus 13:37

Nu katanya, glong au sa ayu ay sas fagayu te, mafalganani.”

Lukas 11:10

Aroro fagayu taget mul ban fia. Ay fagayu tagrvbvy lumag tua ban fia. Ay fagayu takatuk e lumuang waban fia laman sa anya.

Uan 14:13

Ay nusnge wain ay fagetun sa ku ngayan, gfakamulun au laman au, at Baguama, gfalag au sa sangay taw te, ku Mama mabalyanan.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

Uan 15:7

Nu gbanwan tuam si angku, ay ku ngay longan gbanwan si ayu, eti nusnge wain ay fakaylatun, ay gfon kwa fia ayu.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

2 Kurintu. 6:2

Aroro kanya nalong te, “Ebi gina au gfalag sa emu ku fakafanyun, nadungug ktua am darangin, ay ebi gina fakalangfean fag menit nagubuk ktua emu.” Amatangani, katsi wan at buknga nu gbul am Dius at fakafanyun. Katsi wan fag menit fakalangfean.

Ebreu 11:6

Sik taw at yud e fagafanudun wa mafauseganan Dius. Nusnga sinu at nangakbang sas Dius masine nu gafanud tua te, e Dius tagleleg ay tagfon at masine sas fagayu tagrvbvy anya.

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.

Santiagu 5:15

Ay sik tagdarangin, nu gafanud tua, umfia at ke fakasaitun, ay tam Fun gfabitsug anya ay gfalyam at asalanan.

1 Uan 3:22

Ay mabul tua tam tam fagetun sas Dius, aroro gfaning tua tam at ngay suguan ay gfakamulun tua tam nusnga setaw tagfauseganan anya.

At Nafasure 2:24

“Dewa katanya, am tiba diam nafaning Esebel. Ay diam nasaful sa baliwa kafag ngay taw at longan te, Satanas at foyungan at masuksuk. Nu katanya, kwe fagnamamutun ya ay fagaloan fag foyungan.