Lukas 11:51 - Fanawbuid tagsibaliwas Fakayabian

⁵¹ siginan ebi at faurianan sat nafabul Abel anggan at faurianan sat nafabul Sakaryas. Kanya nbul sis wabilug fagirugan fanggalangun ay Dius at bale. Matuyan, glong au ayu te, e faurianan ban am aroro takatanya fag fakamulun.

Lukas 11:51 ပူးပေါင်းရင်းမြစ်များ

Fakasigadan 4:2

Ay Eba gdog yay anke sisian sik munama ay nafangayan anya te, Abel. Ay duksay nu nbia wan, Abel sik tagalaga ngay tupa ay ngay kambing, ay Kain sik tagfakamulun sis gamasun.

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Sakaryas 1:1

Gina sis fawaluk magdanun sis faduak banwa, fun Daryu nu gfunan sis talun Persya, Yawi e nalong sas Sakaryas fag taglong. Sakaryas, Berekya at baguama, ay Berekya, Iddu at baguama.

Mateu 23:35

Sumugu kban kafag ngay taw sa ayu, laman Dius at nafalganan fag faurianan sas fagayu at nafabul at matuyan fag ngay taw kadasug yangay ban fia sa ayu, siginan ebi at faurianan sat nafabul Abel, sitsigon at nafabul Sakaryas, Barakyas at baguama. Kanya ebi ay nafabul gina sisad wabilug Dius at bale ay at fagirugan fanggalangun.

Ebreu 11:4

Aroro Abel gafanud tua sas Dius, at fanggalangun amasine yap tua Kain at fanggalangun. Ay aroro kanya gafanud tua, Dius natap anya te, sik taw matuyan aroro naylat at ngay fanggalangun. Ay Abel dewa anbul wan, e fagfoyungun yay sa antam, siginan at fagafanudun sas Dius.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

1 Uan 3:12

Lag tam gfaning Kain, aroro Kain Satanas way at taw ay kanya nafabul at arian. Ay wain at fagnafabulun? Aroro Kain at fakamulun mauri way ay at arian at fakamulun masine tua.