Lukas 11:42 - Fanawbuid tagsibaliwas Fakayabian

⁴² “Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

Lukas 11:42 ပူးပေါင်းရင်းမြစ်များ

Nemyas 10:37

Nafatuyanan yangay ami te, namuba ban mi sa sangay tagfon fanggalangun at masine fag fangawat tinapay ay tiba yak fanggalangun, ay em tanum fag ngay fun kayu at rawvg, ay at bagu fag fanlangu, ay anggan langis, laman namuba sa em Dius at bale at ngay fagfungsuan. Namuba yangay ban mi sa sangay taw Lebi em ngay gutluan at fasafuluk afud aroro sia wan tagfaful ngay fasafuluk afud sa sangay furuan at ke ngay gutluan. Ngay taw Lebi nu namaful wan ngay fasafuluk afud,

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Takamoyung 7:18

Lag o gfasawe siginan nu gfakamulun o takatanya, fakasakani tua, aroro fagayu tagsuyu Dius wa gfasawe fagayu nusnga setaw.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Malakyas 1:6

Yawi at Mabalyanan nalong sa sangay tagfon fanggalangun te, “Sik sisian gsuyu tua at mama ay sik fagsuguan gsuyu yangay at tagfayafun. Ay am, wain ay fagyudun gsuyu angku ay au oma ay mama ay ay tagfayafun? Takatanya ay fakamulun gfauri am angku. Dewa katanya, ginto yayam te, ‘Ay setain nunda nu gfauri ami emu?’

Malakyas 2:17

Malakyas nalong yangay sa sangay taw Israel te, “Nafauri am Yawi siginan ay ngay nalong. “Dewa katanya, ginto am te, ‘Nataw nunda em ngay nalong at mauri ay at yud matuyan sa anya?’ “Nalong am te, ‘Tagfakamulun at mauri, masine way sis Dius at daga salubangan. Nu katanya, dada wan Dius at matuyan nu gfawabilugan?’ ”

Malakyas 3:8

“O nunda sik taw makatu gfangkamul siginans Dius? Nu katanya, gbalus au ayu te, nafangkamul am siginan angku. “Ay ginto yangay am angku te, ‘Tain nu gfangkamul ami siginan emu?’ ” “Nafangkamul am aroro wam nafon sa angku ay ngay fasafulu ay ay ngay famonun.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Mateu 23:23

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Dewa am gfon at fasafuluk afud sas Dius siginan ay famaenamnam fakonun, kata balanuy ay banglad, nalyam wayam gfakamulun at mafanud fag ngay suguan sis Muisis at Faugali, kata nu gfakamulun at matuyan sa ay iba, ay nu kafanyu am ay iba, ay nu matuyan ay longan sa ay iba. Nu ddi am nalyam at mafanud fag ngay suguan, dangay kalyam anggan talay fag ngay suguan.

Mateu 23:27

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Kata wayam sik ngay fagfolian at mafasinean sday guyuy, ay masine nu kalag. Ay dewa katanya, sad basad mapnu way at ngay kinbul at ngay bini ay fagbadanun.

Lukas 18:12

Kayu linggu duak menit nu yud au gfangon laman gdarangin. Ay gafud ktua fagayu ku nabul, ay gfon ktua sa emu ku fasafuluk afud.’

Uan 5:42

aroro toglag kway ayu. Saful kway te, Dius at fakesugun wa si ay amatanganan.

1 Uan 4:20

Nusnga sinu taglong te, “Kesug au Dius,” ay kauri way at faduksay, kanya sik takamuag. Aroro sik taw nu nalag at faduksay ay nu dway kesug anya, kaugat wa ro nu yud kesug Dius, at yud kalag.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.