Lukas 11:41 - Fanawbuid tagsibaliwas Fakayabian

⁴¹ Foni tua sat yud e kwa laman masine tua fagayu tagsi ayu.

Lukas 11:41 ပူးပေါင်းရင်းမြစ်များ

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Alubad. 41:1

Mauseganan sik taw nu ggubuk tua ngay taw at yud e kwa. Nu nke fagidapun, Yawi ggubuk yangay anya.

Fangatulun 14:31

Tagfalingun at yud e kwa, gfalingun Dius; dewa katanya, takafanyu at yud e kwa, gfauseganan Dius.

Fangatulun 16:6

Sik taw nu mafangesug tua ay matuyan, Yawi gfalyam at ngay asalanan. Ay nu masuyu tua sa anya, umyayu siginans fagmauriun.

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Mateu 26:11

Aroro at yud e kwa ste way gugat, ay dewa katanya nu magamut au si ayu, bunwa kabavn.

Mateu 5:42

Foni sas nusnga sinu taget sa emu, ay faulbusi yangay sat nangulbus sa emu.

Markus 7:19

Aroro fakonun kadasug sas ungdan ay gtaglayun sas alangan, ay wa kadasug sat amatanganan.” Isus at fagnalongun katanya nafoyung te, fagayu fakonun masine wan.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 16:9

Ay glong au ayu te, ay ramraman, kanya ay famagadgalangan ngay taw, laman ban nu namin wan, e gfasakbo tua ayu sa sik fagbanwanan at yud e fakatabuan.

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Lukas 19:8

Sakyu namalindug ay nalong sa tam Fun te, “Ku Fun, dungugani, gwabilug ban ku ramraman namon kwan sat yud e kwa. Ay fagayu ku nafandaya gina au gbul ngay taw at famayad, gfafoli kban ufatk kayu nya.”

Fakamulun 10:15

Ay kafag aringang glong yay fia te, “Dius at ngay nafasine lag o gtuyan te, masuya.”

Fakamulun 11:29

Nu katanya, kafag ngay tagafanud nafalganan at fanggubukun sa sangay tagafanud sis talun Udea. Ay galay at sadi nafon kaksvn at fagmakatuun.

Fakamulun 24:17

“Ay nu nlangfe ngayuk banwa, anfoli au sas Erusalem laman namosuk fanggubukun sa ku ngay kaiban tagidapan ay laman namon fanggalangun sas Dius.

2 Kurintu. 8:12

Aroro nu gfon am nu ay algan tua fia, Dius kaylat nusnga seyu ay fagmakatuun. Dius wa gfanya nusnga seyu ay fagyudun makatu gfon.

Efesu 4:28

Tagfangkamul lag gfangkamul ya, nu bunway fakamuluni tua nusnga setaw at masine laman mafagubuk ngay tagayudan.

Titu 1:15

Sa sik taw at ke masine fag amatanganan, fagayu nusnge wain masine tua. Dewa katanya, sat mauri ay at yud gafanud fag taw, fagayu nusnge wain we masine, aroro at amatanganan mauri way,

Ebreu 13:16

Ay lag tam kalyam gfakamulun at masine ay ggubuk tam iba aroro kanya wan tam Dius at fagusegananun fag fanggalangun.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.