Lukas 11:4 - Fanawbuid tagsibaliwas Fakayabian

⁴ ay falyami em ngay asalanan, kata nu gfalyam ami em ngay iba at asalanan sa emi. Ay dirii emi laman dimi gafaskudan sas asalanan.”

Lukas 11:4 ပူးပေါင်းရင်းမြစ်များ

Fakasigadan 48:16

Ay tagbarita at nafalangfe angku sas fagayu fagidapun, ggubuk yangay ban nangus tuy fag duak sisian. Nangus e gamatang tua ban gugat ku ngayan ay anggan ku ngay mangaguyang Abrayam ay Isak at ngay ngayan siginan kafag duksay. Nangus kanya ban fagdua umkayu yay ste swa daga.”

1 Fun 8:34

dungugani tua ban anya fagayu sanya sis banwa ay falyami tua ban at ngay asalanan, ay fafolii anya fagayu sam nafon sat ngay mangaguyang fag talun.

1 Fun 8:36

dungugani tua ban anya fagayu sanya sis banwa. Ay falyami ban am ngay fagsuguan fag ngay taw Israel at ngay asalanan. Foyungi anya fagayu laman matuyan tua nu gbanwan, ay fadasugi arak sa am nafon sa anya fagayu fag talun laman at fagagbilugun.

Alubad. 121:7

Yawi gdiri emu sas nusnga setaw fag fagmauriun, ay kanya gdiri gugat am leleg.

Alubad. 25:11

Yawi, aroro matuyan tuo, falyami ku ngay asalanan.

Alubad. 25:18

Damai ku fagdalanun fag ngay fagidapun, ay falyami wan fagayu ku asalanan.

Daniel 9:19

Em Fun, dungugi emi, ay falyami em asalanan. Gubuki emi masakit aroro sa am ngayan, aroro gagbilug o am furuan daul ay am ngay taw.”

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Mateu 18:35

“Ay katanya yangay ku Mama sas banwa at fakamulun sa ayu nu dway am nafalyam ay faduksay at asalanan sa ayu.”

Mateu 26:41

Mataganani ay darangini tua, laman diam gafaskudan asalanan. Ay amatanganan mafalganan tua, dewa katanya, ay bilug mamomuy way.”

Lukas 11:5

Isus nalong sa anya fagayu te, “Ay am, nu e fagadgalangan am, ay nu ndasug am sat bale swabilug yabi ay get am sa anya te, ‘Sama, foni angku sik fakonun,

Lukas 13:4

“Ay anggan kafag labi waluk taw at nafakwanan sik bale ngabat sis Siluam fag furuan ay nbul, o gamatangan am te, kafag ngay taw at asalanan gtungud yay at ngay iba fag ngay taw tagbanwan sis Erusalem at ngay asalanan?

Lukas 22:46

Ay Isus nalong te, “Wain ay fagtiugun way? Malunggungi wan ay darangini tua, laman diam gafaskudan asalanan.”

Lukas 8:13

Ay at kintong fag ngay bvtang sa tagagangun, kata ngay taw at nadungug Dius at Longan ay masakit nu gafanud ay guseganan. Ay kanya fag ngay taw nu gafanud wa glugo, kata way kafag bvtang nu yud nalalid, aroro nu ndasug famaskud, kanya fagayu gfangafoliun way.

Uan 17:15

Kwa gdarangin sa emu te, buli wan ku ngay taw ste ginan sfagdaul daga, nu bunway dirii anya fagayu siginan at mauri.

1 Kurintu 10:13

Ya batang e ndasug famaskud sa ayu, fagayu taw at yud nadalan fag famaskud. Matuyan tam Dius, di gfadasug sa ayu ay fagyudun makatu fag famaskud. Nu bunway kanya gfon ayu sik fagmabitsugun laman mababo tuam.

Kulusas 3:13

Maluayani tua, ay fadfalyamani nu e fakauriun way am sas galay at sadi, aroro Fun nafalyam tua ay ngay asalanan.

2 Tesalunika 3:3

Tam Fun matuyan. Kanya tagfaksvn ay tagdiri ayu siginan at mauri.

2 Timuteu 4:18

Ay tam Fun namalangfe angku sas fagayu fagmauriun, ay kanya ban gfosuk angku sat fagfagtainanan sas banwa. Kabavn ban segi anya. Anud.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

At Nafasure 3:10

Nafaning tuam ku suguan ayu te, agwantani. Nu katanya, gdiri ktua ban ayu, dewa ban andasug faurianan sa sangay taw sas fagdaul daga.