Lukas 11:36 - Fanawbuid tagsibaliwas Fakayabian

³⁶ Fagdaul am bilug nu mayamag tua, ay nu ddi e afud madulum, kanya masulo tua, kata sik salung at damlag nu gyamag emu.”

Lukas 11:36 ပူးပေါင်းရင်းမြစ်များ

Fangatulun 1:5

At ke fagsafulun fag taw nu gdungugan tua at ke fagsafulun at foyungan, kafag taw kafamut at fagsafulun, ay at ke nagadalan, kafamut tua at ngay fagsafulun,

Fangatulun 20:27

Yawi kata sik salung gdamlag sa sangay taw at amatanganan.

Fangatulun 6:23

Aroro am ngay fagtainan at ngay foyungan ay at ngay suguan kata sik salung gyamag sam dalan, ay at ngay famararang gfoyung emu sat matuyan fag ugali, laman sam fagmasineun ay nu nafafaning tua ban o, ngaduge tua ban nu gleleg o.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Mateu 13:52

Ay Isus nalong yay fia te, “Nu katanya, fagayu at nadal Dius at Longan ay at kinsik tagadal sas Dius at fagfagtainanan, kanya kata sik tagagbilug bale at nafasure siginan at fagfungsuan at bagu ay at taglugo fag ramraman.”

Mateu 5:15

Katanya yangay sik taw nu nafasalung tua sik salung, di nanuklub sik alungkung, nu bunway namasa tuas fagfatungkudan laman dumamlag fagayu taw sanya fag bale.

Lukas 11:35

Nu katanya, mataganani, laman am amatanganan te, am mayamag, bunwa fagmadulumun.

Lukas 11:37

Kaduge Isus garingang, sik taw Fariseu nagewan Isus laman gfasfuan anya nanfangon. Ay Isus nasakbo ay nafangon.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

Ebreu 5:14

Ay at matugas fag fakonun kanya sa tua at mafagtainan at nasaful tua at matuyan ay at mauri.

Santiagu 1:25

Dewa katanya, nusnga sinu tagamatangan tua kafag longan at yud e malong tagfalfas ayu, ay tagdungugan tua ay di kalyam nu bunway gfaning tua, Dius namauseganan kafag taw sas fagayu at fakamulun.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.