Lukas 11:34 - Fanawbuid tagsibaliwas Fakayabian

³⁴ Am mata am bilug at salung. Nu malyo tua am mata, fagdaul am bilug mayamag yangay. Ay am mata nu dway malyo, am bilug madulum way.

Lukas 11:34 ပူးပေါင်းရင်းမြစ်များ

Fakasigadan 19:11

Ay sanya ginan, duama nafayud glag ngay taw sis lod bale laman wa glag sakbawan.

Alubad. 119:18

Luangi ku amatanganan, laman gtogdungug ktua am faugali at madulo.

Alubad. 81:12

Nu katanya, nafabayan kwan ayu, ay nafaning wam ay sadili fakaylatun, aroro kamaogatun am.

Fangatulun 21:4

Fakamatungudunun ay fakamaboun, asalanan way. Katanya at mauri fag ngay taw at ngay amatanganan.

Fangatulun 28:22

Sik taw tagungitun kaylat vtv karamraman, dewa katanya, at fagnangadasugan sa ways fagidapun.

Isayas 29:10

Aroro Yawi kata nu nafatiug ayu ngabasad. Ay ay ngay taglong kata ay ngay alfuyu ay ay ngay mata, ay dewa katanya, Yawi natabun way.

Isayas 42:19

Am wan ku ngay fagsuguan ay ku ngay nafili. Nasugu au ayu laman ku ngay taglong, ay dewa katanya, we taw kaksvn ayu nu yud gdungug ay nu yud glag.

Isayas 44:18

Kafag ngay taw wa nasaful at fakamulun. Natabun at ngay mata ay wa glag. Ay natabun yangay at ngay amatanganan ay wa gtogdungug.

Isayas 5:20

Ida, afanyuan am! Am taglong te, masine way at mauri, ay mauri way at masine, ay taglong te, at madulum mayamag, ay at mayamag madulum, ay taglong te, at mayat matamis, ay at matamis, mayat way.

Isayas 6:10

Ay nalong yangay te, “Fatugasi wan kafag ngay taw at amatanganan. Fayudi wa gdungug ay fayudi glag anya fagayu, laman ban wa gdungug ya, ay wa glag ya, ay wa gtogdungug ya. Namakamulun o takatanya laman ban kanya fagayu wa kafoli sa angku ay laman wa kafia ya.”

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Markus 4:12

Laman kanya fag ngay taw, ‘dewa gdama, wa glag, aroro nu natogdungug di, kanya ban fag ngay taw umfoli sa angku, ay namalyam au at ngay asalanan.’ ”

Markus 7:22

ay nu gfanugtug sat ke indugan, ay nu gfangalabian tiba at ramraman, ay nu gfakamulun at mauri, ay nu gfandaya, ay at fagyudun e apla, ay nu galabian, ay nu kamuagan gfatuyan sabaliwa at iba, ay nu kamatungudun, ay anggan nu yud e amatanganan.

Markus 8:18

O nunda dewam e mata, wam glag? O nunda dewam e talinga, wam gdungug? Ay o wam namatang? Gina au glungud limak tinapay, laman namayafun limak libuk taw, seyuk sabi mapnu ay nafaful at nagsawadan?” At ngay tagadal nabalus te, “Labi dua.”

Lukas 11:35

Nu katanya, mataganani, laman am amatanganan te, am mayamag, bunwa fagmadulumun.

Fakamulun 13:11

Tam Fun ro gfaurianan emu. Siginan ro katsi anggan ban nu seyu kmenit wo glag ya at mayamag.” Ay arodi vtv Elimas gyakapan laman nanrvbvy tagtaban anya.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

2 Kurintu. 11:3

Dewa katanya, gamatangan au gugat te, ay ngay amatanganan manyayu siginan at matuyan ay nu gafanud am sa tam Fun Isus, kata Eba nu gadayan ule.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

Efesu 1:17

ay get au gugat sa tam Fun Isus at Mama at mabalyanan laman siginan at Masine fag Falad at gubuk, gfae fagsafulun ay gfae fagmayamagun ayu, sabaliwa nu gtoglag am fia Dius.

Efesu 6:5

Ngay fagsuguan, faningi tua ay ngay tagfayafun sas fagdaul ay fagmasuyuun. Faningi ay matuyani kata nu gfaning am tam Fun Isus.

Kulusas 3:22

Ngay fagsuguan, nusnga setaw ay fakamulun, faningi ay ngay tagfayafun dewa e glag ay yud e glag; fakamuluni dangay am lang gfaylatan ay tagfayafun, nu bunway aroro matuyan am, ay gsuyu am tam Fun.