Lukas 11:20 - Fanawbuid tagsibaliwas Fakayabian

²⁰ Ku fagmabalyananun gaiyan mauri fag ngay falad nu siginan tua Dius at fagmabalyananun, at masuad, Dius at Fagfagtainanan andasug si ayu.

Lukas 11:20 ပူးပေါင်းရင်းမြစ်များ

Nu Galin 8:19

Ay kafag ngay tagsaful gfasure at ngay madulo nananlong sas Igiptu at fun te, “Tuy Dius at fakamulun!” Dewa katanya, Igiptu at fun kamaogatun yay fia, ay kanya wa nadungugan Muisis ay Arun, kata Yawi at longan.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Mateu 12:28

Ku fagmabalyananun gaiyan mauri fag ngay falad nu siginan tua Dius at Falad, at masuad, Dius at Fagfagtainanan andasug si ayu.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

Lukas 10:11

‘Gfagfag ami ngay lukbu at kindafut sa em darafa siginan ay furuan, laman sik famasaful sa ayu te, wam gfaning. Ay dewa katanya, amatangani, munakbang wan Dius nu gfagtainan ayu.’

Lukas 10:9

Fafiai at ke fakasaitun sanya fag furuan, ay foyungi sa kafag ngay taw te, ‘Munakbang wan Dius nu gfagtainan ayu.’

Lukas 11:21

Sik mabalyanan fag taw nu e famawayan, ay nu naulit at bale, we tagfangkamul kadasug sanya.

Fakamulun 20:25

“Ay saful kwa te, gina au kamoyung, nafoyung kwa sa ayu sabaliwa Dius nu gfagtainan, ay katsi glong au sa ayu te, siginan ban katsi, wa ban tam gdog ya gladlagan.

2 Tesalunika 1:5

Kanya wan tagfatuyan te, Dius saful tua gfili takalangfe ban, ay nu katanya kanya tagfatuyan te, namagamut ban ayu sas Dius at fagfagtainanan. Kanya wan ay fagagwantanun katsi.