Lukas 11:2 - Fanawbuid tagsibaliwas Fakayabian

² Ay Isus nalong te, “Katatuy nu gdarangin am: Em Mama, Ngay taw nangus sumeg tua am ngayan, ay masine nu gfagtainan tuo ngay taw.

Lukas 11:2 ပူးပေါင်းရင်းမြစ်များ

1 Fun 8:43

dungugani tua ban anya fagayu sanya sis banwa am fagbanwanan. Ay foni at ngay fagetun, laman fagayu gaban taw sas fagdaul daga tumoglag ay gsuyu emu kata am ngay taw Israel ay sumaful te, gfauseganan ami emu ste ku nafawat fag bale.

2 Fun 19:19

Nu katanya, Yawi em Dius, falangfei emi siginan Asirya at daluap, laman fagdaul daga at ngay taw sumaful te, o way lang Dius.”

2 Krunika 20:6

Ay kanya nalong te, “Yawi, em ngay mangaguyang at Dius, o wan tagsis banwa fag Dius. O way tagagbilug fagayu fagfagtainanan sas fagdaul daga. Mabalyanan o ay we makatu gfawayan emu.

Alubad. 103:20

Segi Yawi, am at mabalyanan fag ngay tagbarita tagdungugan tua, ay tagfaning at ngay longan.

Alubad. 108:5

Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.

Alubad. 11:4

Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 57:11

Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.

Takamoyung 5:2

Lag gabanganan nu garingang o. Ay nu namatuyanan o sas Dius amatangani tua. Amatangani te, Dius si tuas banwa ay o ste way o sdaga. Nu katanya, dirii tua nu garingang o.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Esekyel 36:23

Namalag kban sa sangay talun at ngay taw ku ngayan at yud e malong ay at mauseganan nu inda nu gfauri am ku ngayan. Gina kban nafalag sa anya fagayu te, ku ngayan di e malong, siginan ku fagnamakamulun sa ayu, kanya ban fag ngay talun at ngay taw sumaful te, au Yawi. Au, Fun Dius Yawi taglong tuy.

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Lebitiku 22:23

Dewa katanya, masine wayam gfon laman ay fanggalangun sik baka, ay sik fagbaugun yud maugali sik afud at bilug laman at nafalganan fia fag fanggalangun, ay wa masine nu gfon kanya fag fanggalangun laman famafasludan sa sik fatuyanan.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Mateu 10:32

“Nusnga sinu tagfoyung sa tiba te, ‘Gafanud au sas Isus,’ gfoyung kyangay ban sa ku Mama sas banwa te, ‘Kanya ku taw.’

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 5:16

Ay ugali katai sik salung nu gdamlag sas fagayu taw, laman ngay taw nu nalag te, masine ay fakamulun, sumeg ay Mama sas banwa.

Lukas 11:1

Sik menit, Isus gdarangin si sik talun, ay nu ntabu wan nu gdarangin, at sadi at tagadal nalong anya te, “Em Fun, foyungi emi tagdarangin kata ebi Uan nu gfoyung sat ngay tagadal.”

Ruma 1:7

Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Ruma 8:15

Aroro Dius at nafon ayu fag Falad, wa namagsuguanan ayu sas fakalimuun, nu bunway nafon antam at fagmasineun guro sas Dius te, “Ku Mama.”

1 Kurintu 1:3

Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

2 Kurintu. 1:2

Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Galasya 1:4

Tam Fun Isus nafon at leleg laman gfalyam tam ngay asalanan, kata tam Dius at fakaylatun, laman gfalangfe antam siginans fagmauriun tagfunan ste swa daga.

Efesu 1:2

Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Filipus 1:2

Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Filipus 4:20

Segi tam Dius tam Mama kabavn ban. Anud.

Kulusas 1:2

Griruk ami sa ayu Dius at nafili fag ngay taw sanya sfuruan Kulusas, am at matuyan fag ngay faduksay, ay at kinsadi sa tam Fun Isus. Sumawa nangus fia ayu Dius tam Mama at fagmagalangun ay at fagmanabayanun.

1 Tesalunika 1:1

Ami fag tulu, Pablu, Silas ay Timuteu, griruk ami sa ayu sas furuan Tesalunika, Dius tam Mama ay tam Fun Isus at ngay nafili. Sumawa nangus fia ayu at fagmagalangun ay at fagmanabayanun.

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”

At Nafasure 19:6

Sanya ginan nadog kyay nadungug kata ngayuk taw sis banwa nu garingang kata tagbungan nu gfawas ay kata at maksvn fag lingsi. Katatuy at longan: “Segi tam Dius, aroro tam Dius tam Fun at mabalyanan sas fagayu, ay kanya gfagtainan wan.

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.