Lukas 11:15 - Fanawbuid tagsibaliwas Fakayabian

¹⁵ Ay tiba nalong te, “At fagmabalyananun gaiyan mauri fag ngay falad siginan way Lango at Fun, kanya mauri fag ngay falad at fun.”

Lukas 11:15 ပူးပေါင်းရင်းမြစ်များ

Mateu 10:25

Sak wan sik tagadal nu nkata wan at takamoyung, ay sak wan sik fagsuguan nu nkata wan at tagfayafun. Ay nu e nafangayan sik fagyafunan at fun te, Lango at Fun, kaugat wan at ngay fagsuguan nu gafalingunan.

Mateu 12:22

Ay e nataban sas Isus sik taw at ke mauri fag falad, ay kanya wa glag ay wa maringang. Ay Isus nafafia anya ay kanya maringang tua ay glag.

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

Mateu 9:34

Ay dewa katanya ngay taw Fariseu gkamatoan te, “At fagmabalyananun gaiyan mauri fag ngay falad siginan way mauri fag ngay falad at fun.”

Uan 10:20

Ay ngayuk taw glong te, “E gfafansaful anya, ay nalyam at amatanganan. Wain tam fagdunguganun anya?”

Uan 7:20

Ay kafag ngay taw gbalus te, “Gfansaful o mangaro. Sinu takaylat gfabul emu?”

Uan 8:48

Ay sanya fag ngay taw Udyu glong sas Isus te, “O wa matuyan em longan te, sik taw o Samarya ay e gfafansaful emu?”

Uan 8:52

Ay kafag ngay taw Udyu glong te, “Katsi natuyan wami te, e gfafansaful emu. Abrayam ay Dius at ngay taglong anbul, ay glong o te, ‘Nusnga sinu tagfaning ku longan di ban kabul kabavn.’