Lukas 11:13 - Fanawbuid tagsibaliwas Fakayabian

¹³ Ay dewa am sik ngay mauri fag taw, saful tuam gfon at masine sa ay sisian, ay ay Mama sas banwa, gtungud yay nu gsaful gfon at Masine fag Falad sas nusnga sinu taget sa anya.”

Lukas 11:13 ပူးပေါင်းရင်းမြစ်များ

Fakasigadan 8:21

Ay Yawi nu nayuk kafag fanggalangun at anus, nalong te, “Kwa ban gfadog ya gfaurianan daga aroro sas taw at nafakamulun, dewa au nasaful te, taw at ngay amatanganan kabavn mauri way siginan nu masisian. Kwa ban gfadog ya gfamin fagayu tagleleg, kata ebi ku nafakamulun.

Alubad. 51:5

Siginan yay ku mina nu gfafion angku, mauri kwan, ay gina au kasalug e asalanan kwan.

Fangatulun 1:23

Dungugani ku foyungan ayu fag ngay fansalag. Glong au sa ayu nusnga setaw tagsi ku amatanganan. Ay glong kyangay ku fakauriun tagsi ayu,

Isayas 49:15

Dewa katanya, Yawi nabalus te, “O nunda sik mina kalyam at fagfasusuun fag sisian? O nunda wa kesug at ngenge? Sik mina nu ddi kalyam at sisian, kaugat wan nu yud au kalyam ayu!

Esekyel 36:27

Namon kyangay ban sa ayu ku Falad laman ban gfaning tuam fia ku ngay suguan ay ku ngay faugali.

Uel 2:28

Sanya ginan, namon kban ku Falad sas nusnga sinu fag taw. Ay ay ngay sisian ban namoyung ku ngay longan. Ay ay ngay fagtainan ban umke ngay taginfan. Ay ay ngay baguama ban lumag ngay taginfan.

Mateu 5:16

Ay ugali katai sik salung nu gdamlag sas fagayu taw, laman ngay taw nu nalag te, masine ay fakamulun, sumeg ay Mama sas banwa.

Mateu 5:45

laman umtuyan te, am wan ay Mama tagsis banwa at ngay sisian. Aroro Dius gfasure menit sat mauri fag taw ay sat masine fag taw. Ay gfarak sat matuyan fag taw ay sat yud matuyan fag taw.

Mateu 6:14

Aroro nu nafalyam tuam ay iba at ngay asalanan sa ayu, anggan ay Mama sas banwa gfalyam yangay ay ngay asalanan.

Mateu 6:30

Ay Dius nu gfae lanbung tua makmak katanya sa sangaba talun, dewa melo katsi, ay balabag ban e gukas wan sasad afuy, kaugat waro Dius nu gfon ayu ay lanbung. Ya maksvn nu gafanud am.

Mateu 6:32

Aroro fagayu taw at yud gtoglag Dius, kabavn grvbvy takatanya. Ay ay Mama sas banwa nasaful wan nusnge wain ay fagayudanun.

Mateu 7:11

Dewa am sik ngay mauri fag taw, saful tuam gfon at masine sa ay sisian, ay ay Mama sas banwa gtungud yay nu gsaful gfon at masine sas nusnga sinu taget sa anya.

Lukas 11:12

Ay ay sisian nu get sik iklug, o namon ro am anya sik agipan? Duan.

Lukas 11:2

Ay Isus nalong te, “Katatuy nu gdarangin am: Em Mama, Ngay taw nangus sumeg tua am ngayan, ay masine nu gfagtainan tuo ngay taw.

Lukas 18:7

Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Fakamulun 2:38

Ay Pedru nabalus te, “Ubuni ay ngay asalanan ay asurungi sa tam Fun Isus at ngayan, laman sik fakatoglagan te, nalyam wan ay ngay asalanan ay magbilug am at Masine fag Falad Dius at fon sa ayu.

Ruma 5:17

Fakabulun at fagmabalyananun gfunan sas fagayu taw siginan sadik taw at asalanan. Ay dewa katanya e leleg tua ban tam aroro siginan sadik taw, Isus, Dius at nafili fag Fun. Matuyan e leleg tua ban tam nu nabul tua tam Dius at fagmagalangun ay nu ntap tua tam kata nu yud tam e asalanan.

Ruma 7:18

Nasaful au te, we masine ya tagbanwan si angku. Dewa maksvn nu kaylat au namakamulun at masine, kwa mafakamulun.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.