Lukas 10:7 - Fanawbuid tagsibaliwas Fakayabian

⁷ Nu inda at nafasakbo ayu fag bale, sanyai yap, lag am gadgalinan. Ay oni ay inumi nusnge wain at nafon sa ayu, aroro tagfakamulun fag taw e bulan fia.

Lukas 10:7 ပူးပေါင်းရင်းမြစ်များ

Tap 18:31

Masine wayam ay anggan ay ngay talanan nu kon kanya fag ngay afud dewa nday fag buknga, aroro kanya wan ay afud gina am gfakamulun sa ku bale.

Markus 6:10

Nusnga nday fag bale nu gsakbo am, banwani yap sanya yakmay am nalo sanya ginan fag furuan.

Lukas 10:6

Ay sanya fag bale at taw nu kaylat tua fagmanabayanun, kafag taw umke fagmanabayanun siginan nu gdarangin o anya. Dewa katanya, sanya fag bale at taw nu dway kaylat fagmanabayanun, kafag ngay taw wa mke fagmanabayanun.

Lukas 9:4

Ay nusnga nday fag bale nu gsakbo am, banwani yap sanya yakmay am nalo sanya ginan fag furuan.

Fakamulun 16:15

Sanya ginan, Lidya ay fagayu tagbanwan sit bale ansurung wan. Ay maksvn Lidya nu gfabulun emi te, “Nu gtuyan tuam angku te, sik tagafanud kwan sa tam Fun, taglayuni sa em bale.” Ay aroro maksvn nu gfabulun ggewan emi, nanangalo ami anya.

Fakamulun 16:34

Ay kanya nataban duama sat bale ay nafafangon. Fagayu tagbanwan sit bale maksvn nu guseganan, aroro gafanud tua sas Dius.

Fakamulun 16:40

Ay duama nu nalao wan siginan fagubungan, andasug sas Lidya at bale, ay gfaksvn sanya fag ngay tagafanud. Ay sanya ginan duama nalao wan.

Galasya 6:6

Nusnga sinu tagadal Dius at Longan masine nu ggubuk ay nu gfon sat takamoyung nusnge wain at masine.

Deuterunumyu 12:12

Ay nu nanguseganan ban am sa tuam ay Dius Yawi at daga salubangan, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, at yud e afud daga.

Deuterunumyu 18:8

Kanya e fagmafabulun yangay at ekwan siginan sa sangay fanggalangun dewa yay e fagmabulun siginan at iba laman at famul at ngay fagayudanun.

1 Timuteu 5:13

Saman ya takatanya, kanya umnanad gfamomuyun ay kamanloan way lang sat ngay fasabale. Sarokta, kanya nanfanginasanan sat ngay iba, ay namasaysalagan, ay glong at mauri sat ngay iba.

2 Timuteu 2:6

At maseganama fag tagtanum, kanya taguna gbul at ekwan.