Lukas 10:21 - Fanawbuid tagsibaliwas Fakayabian

²¹ Ay ginanya, Isus maksvn nu guseganan aroro siginan at Masine fag Falad, ay glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw. Anud, Mama, aroro katanya tua am fakaylatun.”

Lukas 10:21 ပူးပေါင်းရင်းမြစ်များ

Alubad. 24:1

Yawi tua tagagbilug fagdaul daga, ay anggan fagayu tagsanya,

Alubad. 25:14

Yawi, kabavn munakbang tuo sa sangay taw tagsuyu emu, ay gfamatang o gugat sanya fagayu am nasadian.

Alubad. 8:2

Ngay ngenge ay sisian am nafalganan laman gfauseganan emu, laman am fawayan umkapla.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Mateu 16:17

Ay Isus nalong yangay anya te, “Mauseganan tuo Simun, Unas at baguama. We taw nafoyung emu takatanya. Ku Mama tua sas banwa at nafoyung emu.

Mateu 21:16

Ay kafag ngay taw nainto sas Isus te, “O wo nadungug kafag ngay sisian at longan?” Ay Isus nabalus te, “Sabv. Ay o yam natap te, ‘Dius, nafalganan wo ngay sisian ay sik ngay ngenge tagseg emu’?”

Mateu 3:7

Ay Uan nu nalag te, ngayuk taw Fariseu ay taw Saduseu takadasug laman namasurung, kanya nalong anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan?

Markus 10:15

Matuyan nu glong au ayu te, nusnga sinu at yud kaylat Dius nu gfagtainan anya kata sik sisian sirut nu kaylat, kanya ban wa manangatap sat fagfagtainanan.”

Lukas 15:5

Ay nu nalag wam, guseganan am gfasanan,

Lukas 15:9

Ay nu nalag wan, kanya namaful at ngay fagadgalangan ay at ngay fasabale ay glong te, ‘Useganani fasfuani angku, aroro nalag ktua ku salapi at nalyam.’

Uan 11:41

Ay kanya fag ngay taw nabul kafag faningding. Isus natangda ay glong te, “Mama, guseganan au sa emu, aroro gdungug tuo angku.

2 Kurintu. 4:3

Ay nu e yud way togdungug sabaliwa em foyungan, takatanya fag taw tagafaurianan way.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Efesu 1:5

kanya nafalganan antam laman kangayan tam te, at ngay sisian, siginans Isus tam Fun. Katanya at algan ay at fakaylatun.