Lukas 10:16 - Fanawbuid tagsibaliwas Fakayabian

¹⁶ “Nusnga sinu tagdungugan ayu, gdungugan yangay angku. Ay nusnga sinu takauri gdungugan ayu, kauri yangay gdungugan angku. Ay nusnga sinu takauri angku, kauri way anggan at nasugu angku.”

Lukas 10:16 ပူးပေါင်းရင်းမြစ်များ

Nu Galin 16:7

ay balabag ban sbalabag, lumag am Yawi at fagmabalyananun aroro nadungug nu kamayud am. Wain ay fagfayudun emi, ay wami e nafakamulun?”

Nu Galin 16:8

Ay Muisis nalong yay fia te, “Yawi namon ayu sik ngay yamas ay fakonun sad yabi, ay balabag ban sbalabag, namapsug ayu tinapay aroro nadungug nu kamayud am sa anya. Wain ay fagfayudun emi? Wa sa emi nu kamayud am, nu bunway sa tuas Yawi.”

Malakyas 1:6

Yawi at Mabalyanan nalong sa sangay tagfon fanggalangun te, “Sik sisian gsuyu tua at mama ay sik fagsuguan gsuyu yangay at tagfayafun. Ay am, wain ay fagyudun gsuyu angku ay au oma ay mama ay ay tagfayafun? Takatanya ay fakamulun gfauri am angku. Dewa katanya, ginto yayam te, ‘Ay setain nunda nu gfauri ami emu?’

Tap 14:11

Yawi nalong sas Muisis te, “Ginain yaban tuy fag ngay taw nu gfalingun angku? Ginain yaban kanya fagayu nu yud gafanud sa angku dewa au nafakamulun at ngay madulo sa anya fagayu?

Tap 14:2

Kanya fagayu gfayud Muisis ay Arun, ay nalong sas duksay te, “Amasine yap nu kabul tam sis talun Igiptu ay mannga stie fag talun at yud e taw.

Tap 16:11

Yawi wan ay nafayud, bunwa Arun.”

Mateu 10:40

“Nusnga sinu tua takaylat ayu, kaylat yangay angku. Ay nusnga sinu takaylat angku, kaylat yangay at nasugu angku.

Mateu 18:5

Ay nusnga sinu takaylat takata tuy fag sisian, aroro kesug angku, kaylat yangay angku.

Markus 9:37

“Nusnga sinu tua takaylat sik sisian sirut takata tuy fag sisian, aroro kesug angku, kaylat yangay angku, ay nusnga sinu takaylat angku, bundi lang angku at fakaylatun, nu bunway anggan tua at nasugu angku.”

Lukas 9:48

Ay Isus glong sat ngay tagadal te, “Nusnga sinu tua takaylat tuy fag sisian sirut aroro kesug angku, kaylat yangay angku, ay nusnga sinu takaylat angku, kaylat anggan at nasugu angku, aroro nusnga sinu si ayu tiba daga katsi, kanya tua ban tiba tungud.”

Uan 12:44

Isus maksvn nu guro te, “Nusnga sinu tagafanud sa angku bundi lang sa angku nu gafanud nu bunway anggan tua sat nasugu angku.

Uan 12:48

Nusnga sinu takauri angku at yud kaylat gfaning ku longan, e gfauri ban anya. Ku foyungan fag ngay longan tagfauri takatanya fag ngay taw sa taguyan fag menit.

Uan 13:20

Matuyan nu glong au ayu te, nusnga sinu takaylat ku nasugu, kaylat yangay angku. Ay nusnga sinu takaylat angku, kaylat yangay at nasugu angku.”

Fakamulun 5:4

O nunda kanya bunwa ay daga? Ay nu nafalao wo, o yangay at ke algan te, tain ban am fakamulun sa ay salapi. Ay wain am fagnamatanganun yay at namakamulun takatanya? Nu kamuag o bunwa sas taw nu bunway sa tuas Dius.”

Galasya 4:14

Dewa ku fakasaitun sik famaskud sa ayu, diam nafalingun angku ay diam nafauri. Nu bunway nafasakbo tuam angku kata nu gfasakbo am Dius at tagbarita, ay kata nu gfasakbo am tam Fun Isus.

1 Tesalunika 4:8

Ay nusnga sinu at yud gfaning takatanya fag ngay suguan bunwa sas taw nu kamabo, nu bunway sa tuas Dius, at nafon antam at Masine fag Falad.