Lukas 10:15 - Fanawbuid tagsibaliwas Fakayabian

¹⁵ Ay am fag ngay taw tagbanwan sis furuan Kapernaum, o gamatangan am te, e namabat ban ayu sas banwa? Duan! Nustua e nangukas way ban ayu sa sangay kinbul at talun.

Lukas 10:15 ပူးပေါင်းရင်းမြစ်များ

Isayas 5:14

Ay fagfolian at sakbawan umbia ay umluang kata takalunus fag mela nu gfabia at bibig, laman sumakbo sanya takadungug fag ngay taw Erusalem ay at yud e fanambagun ay anggan ngay taw tagbarisanan kamanagsag.

Eremyas 51:53

Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.

Esekyel 26:20

Ay namoli kban emu sasad fagngabasadan lino magamut ebi fag ngay mangaguyang. Ay kabavn ban marasrasan o magamut si sangay kinbul, ay wa ban o gdog ya kafoli sa tagleleg fag ngay taw at talun.

Esekyel 31:18

“Igiptu at fun, inday ro fag kayu tagsis tanuman Eden at tagfasud am fagmasineun ay am fagmabalyananun? Dewa katanya, umdasug yangay ban o sas daga daga magamut ngay kayu sis Eden. Magamut yangay ban o sa sangay kinbul sis awayan at yud gafanud sas Dius. Katanya ban at kumfasludan sas Igiptu at fun ay sat ngay taw. Au, Fun Dius Yawi, taglong tuy.”

Esekyel 32:18

“Taw at baguama, abalui laman sa sangay taw Igiptu ay sa sangay taw tagbanwan sa tibak talun at mabalyanan. Aroro namatong kban kanya fagayu sas daga daga nangagamut at ngay kinbul.

Esekyel 32:20

Ngay taw Igiptu ban umbul aroro at ngay fawayan at fiso mafalganan wan nu namabul anya fagayu. Ngay taw ban Igiptu gatabanan sas faurianan.

Esekyel 32:27

Dewa katanya, wa ban e guseganan ya gina namoli kata at famauseganan sa sangay takadungug fag tagfawayan at kinbul sis awayan. Dewa kanya fag ngay tagfawayan yud gafanud sas Dius, ay nu nabuba wan sas fagfolian, kanya fagayu gtangilan at ngay famalabag ay nafasulun at famalabag sat dubdub. Ay kanya fag ngay tagfawayan kaduge gleleg nafalimu yangay ngay taw.

Ubadyas 1:4

Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Mateu 11:23

Ay am fag ngay taw tagbanwan sis furuan Kapernaum, o gamatangan am te, e namabat ban ayu sas banwa? Duan! Nustua e nangukas way ban ayu sa sangay kinbul at talun. Aroro nu nafakamulun kdi at madulo sas furuan Suduma, kata ku fakamulun sa ayu, satu ro kafag furuan sanya yay dasug katsi.

Mateu 4:13

Ay kanya nalo wan siginans furuan Nasaret ay namanwan yangay sas furuan Kapernaum sis tigyangan lino, ebi sis Sebulun ay Naftali fag gaban at talun.

Lukas 13:28

“Nu nalag ban am Dius nu gfagtainan Abrayam ay Isak ay Akub, ay anggan Dius at taglong fagayu, ay am ban naiyanan way am, gwayway ban am gugat ay gfaringgit ay ngay bagang.

Lukas 16:23

Ay kafag taw at maramraman nu si wa sangay kinbul at talun, maksvn nu gidapan. Ay kanya nabanawan sasad ngayayu, ay nalag Abrayam ay anggan Lasaru sit day tigyangan.

Deuterunumyu 1:28

Tain ro nu masanya tam? At nananginsaful sanya fag daga nafalimu way antam. Kanya fagayu nalong te, ‘Sanya fag ngay taw amabitsug yap ay abat yap tua antam. Ay at ngay furuan gbia tua ayu daul ay maligung dingding alad tangabat arvs gdasug sas banwa, ay kanya fagayu nalag yangay sanya tagbia fag ngay taw.’ ”

2 Pedru 2:4

Dius wa nfanyu ya takamabo fag ngay tagbarita. Abat ngate, kanya naubung kafag ngay tagbarita sasad lusung tangabasad ay at maksvn nu madulum. Kanya ban fagayu sanya way gugat nu dyakmay ban andasug nu ginsaful asalanan fag menit.