Lukas 10:10 - Fanawbuid tagsibaliwas Fakayabian

¹⁰ Ay nu ndasug am sa sik furuan ay at ngay taw nu dway gfasakbo ayu, loi wa sat ngaba dalan ay longi te,

Lukas 10:10 ပူးပေါင်းရင်းမြစ်များ

Esekyel 2:5

Kanya ban fag ngay takamabo gdungugan man ay duan, sumaful te, sanya e taglong oma.

Mateu 10:14

Ay nusnga sinu nu dway gfasakbo ayu ay nu dway kaylat gdungugan ay foyungan, nu glo am sanya ginan fag bale, ay sanya ginan fag furuan, fagfagi tagsi ay darafa fag lukbu, laman famasaful te, kafag ngay taw wa gfaning.

Lukas 10:11

‘Gfagfag ami ngay lukbu at kindafut sa em darafa siginan ay furuan, laman sik famasaful sa ayu te, wam gfaning. Ay dewa katanya, amatangani, munakbang wan Dius nu gfagtainan ayu.’

Lukas 10:9

Fafiai at ke fakasaitun sanya fag furuan, ay foyungi sa kafag ngay taw te, ‘Munakbang wan Dius nu gfagtainan ayu.’

Lukas 9:5

Ay nusnga nday fag talun at ngay taw nu dway kaylat ayu, nu glo am sanya ginan fag furuan, fagfagi tagsi ay darafa fag lukbu, laman famasaful te, kafag ngay taw wa gfaning.”

Fakamulun 13:51

Nu katanya, duama nafafagfag lukbu siginan at ngay darafa famasaful sanya fag ngay taw te, kanya fagayu wa gfaning. Sanya ginan, duama nalao wan sas furuan Ikunyu.

Fakamulun 18:6

Dewa katanya, ngay taw Udyu wa naylat Pablu at foyungan abat ngate nafalingun way, nu katanya, Pablu nafagfag at lanbung sik fakatoglagan te, kafag ngay taw mauri. Sanya ginan, kanya nalong sa anya fagayu te, “Ay kakurangan yay ban, nu nfaurianan ban am. Ay siginan ban katsi nu nanfamoyung au, sa ways yud Udyu fag ngay taw.”