Lukas 1:9 - Fanawbuid tagsibaliwas Fakayabian

⁹ Kata at faugali, kafag ngay tagfon fanggalangun nafafidfilian laman ginsaful te, sinu ban at nansakbo sa tam Fun at bale laman nangirug famaebebanglu. Ay at nafili, Sakaryas.

Lukas 1:9 ပူးပေါင်းရင်းမြစ်များ

1 Krunika 23:13

Ay Amram at baguama: Arun ay Muisis. Ay nafili Arun ay at ngay gaban laman at namatigwanan ngay fagagbilugun at yud e malong, ay at namon fanggalangun sas Yawi. Ay kabavn ban kanya wan at fakamulun.

1 Krunika 6:49

Dewa katanya, Arun at gaban tagirug ngay fagirugun fag ngay fanggalangun, ay tagirug ngay famaebebanglu fag lune. Ay kanya yangay fagayu tagfakamulun tibak ngay fakamulun sit Mafasamanan Fia fag Suluk. Kanya fagayu gfon ngay fanggalangun laman famalyam ngay taw Israel at asalanan. Ay kanya fagayu gfakamulun kata Dius at suguan sat fagsuguan Muisis.

2 Krunika 26:16

Ay aroro kanya mabalyanan, kanya nafamatungudun. Nu katanya, kanya wan at nafalyam nu sik takadungug. Kanya nafamabo at Dius Yawi, siginan nu gsakbo sas Yawi at bale, ay nanangirug famaebebanglu sas fagirugan.

2 Krunika 29:11

Nu katanya, ku fakesugun fag ngay taw, lag am gragangan. Am wan Yawi at nafili at nanmalindug sit daga salubangan, laman at tagfakamulun, ay at nangirug ngay fanggalangun.”

Mateu 27:5

Ay Udas naukas kafag tuluk safuluk salapi sas Dius at basad bale ay nalo wan ay narabing anya.

Ebreu 9:6

Kata kanya nu mafasinean ngay fagagbilugun sis Fagnansegan fag Bale. Ay ngay tagfon fanggalangun gsakbo gugat sa taguna fag suluk laman gfafasludan at fakamulun.

1 Samwel 2:28

Sas fagayu Israel at kasugfunanan, nafili au Arun laman tagfon fanggalangun tagfakamulun si ku fagirugan, laman tagfon famaebebanglu, ay tagsulun at mafilian fag lanbung laman sa sangay tagfon fanggalangun. Nafae afud kyangay sa anya fagayu siginan sangay taw Israel at ngay fanggalangun.