Lukas 1:8 - Fanawbuid tagsibaliwas Fakayabian

⁸ Ay andasug at menit, Sakaryas at gaban at namon fanggalangun sas Dius at daga salubangan.

Lukas 1:8 ပူးပေါင်းရင်းမြစ်များ

1 Krunika 24:19

Kanya fagayu nafakamulun at ngay fanambagun sis Yawi at bale kata at mangaguyang Arun at nafon fag fagaloan siginans Yawi, Israel at Dius.

1 Krunika 24:2

Dewa katanya, Nadab ay Abyu naguna at mama Arun anbul ay wa nke sisian, nu katanya, Elyasar ay Itamar at nafakamulun laman sik ngay tagfon fanggalangun.

2 Krunika 11:14

Kanya fagayu naubun wan at ngay bale ay at ngay daga, ay nasas Uda ay sas Erusalem, aroro Erubuam talamean naiyan kanya fagayu laman Yawi at ngay taglong.

2 Krunika 31:19

Ay sabaliwa ngay tagfon fanggalangun Arun at gaban, tagbanwan si sangay talun buid tagsi sangay ligung furuan, ay sa tiba yak furuan, ay nafatigwanan sa sik ngay taw laman tagfon at ngay afud sa sangay taw Lebi, at ke ngay ngayan sis fagrirukan sat ngay mesa gaban.

2 Krunika 31:2

Ay Esekyas nafud ngay tagfon fanggalangun ay ngay taw Lebi, laman kanya fagayu namakamulun at ngay mesa fakamulun sis Yawi at bale, laman namon ngay fagirugun fag ngay fanggalangun, ay ngay fanggalangun laman sas fagmanabayanun, ay laman nangalubad guseganan sis Yawi at bale at ngay sakbawan.

2 Krunika 8:14

Ay kata at mama Dabid at fakamulun kanya nafainkafudan ngay tagfon fanggalangun, ay taw Lebi laman gfakamulun at ngay mesa fakamulun. Kanya nafili ngay taw Lebi laman tagfangguna ngay taw gina gfauseganan Dius, ay kanya fagayu ggubuk yangay ngay tagfon fanggalangun nu gfakamulun kayu menit. Ay kanya nafainkafudan yangay ngay tagulit sis Yawi at bale at ngay sakbawan, aroro katanya Dabid, Dius at fagsuguan, at suguan.

Esra 6:18

Kanya fagayu nafafoli ngay taw Lebi at fanambagun laman sik ngay tagfon fanggalangun ay laman gfakamulun at mesa fakamulun sis Dius at bale sis Erusalem, kata Muisis at rirukan.

Nu Galin 28:1

“Namasaman o siginan sangay taw Israel, Arun ay at ngay baguama: Nadab, Abyu, Elyasar, ay Itamar, laman ban sik ngay tagfon fanggalangun.

Nu Galin 28:41

“Fasuluni sam kaka Arun ay sat ngay baguama kafag ngay lanbung, ay ugwagi langis sa kafag talamean sik fakatoglagan te, nafatigwanan wan sa angku laman sik ngay tagfon fanggalangun.

Nu Galin 29:1

“Katatuy am fakamulun nu gfatigwanan o Arun talamean laman ban sik ngay tagfon fanggalangun sa angku. Namul o sik riangan baka tama ay duak tupa tama at yud e malong.

Nu Galin 29:44

Anud, namasaman au ku bale ay fagirugan fanggalangun. Ay namasaman kyangay Arun talamean laman sik ngay tagfon fanggalangun.

Nu Galin 29:9

ay at famutus fagwan ay sangbo. Kanya fagayu umsik ngay tagfon fanggalangun kabavn kata sik faugali at yud katabu. Katanya nu gfatigwanan o sa angku Arun talamean.

Nu Galin 30:30

“Rarusi yangay langis sas Arun talamean laman sik famasaful te, sik ngay tagfon fanggalangun sa angku.

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Lukas 1:5

Gina Erudes gfunan sis talun Udea, e sik tagfon fanggalangun at ngayan Sakaryas. Kanya kataip yangay sa sik ngay tagfon fanggalangun tagsis Abyas fag gaban. Sakaryas at bubay, Elisabet, kanya siginan yangay Arun at kasugfunanan.

Lukas 1:7

Ay kafag dadwa we sisian, aroro Elisabet garanas, ay anggan dadwa gsud wan mafagtainan.