Lukas 1:78 - Fanawbuid tagsibaliwas Fakayabian

⁷⁸ aroro tam Dius mafangafanyu tua ay mafangesug sa antam, ay namadasug sa antam sik tagfalangfe, kata menit nu bagu kasure,

Lukas 1:78 ပူးပေါင်းရင်းမြစ်များ

Alubad. 25:6

Yawi, amatangi am fakafanyun ay nu mafangesug o, am nafalag sa angku siginan ebi taguna.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Isayas 63:7

Namoyung au sabaliwas Yawi at fakesugun. Gfauseganan au anya sas fagayu at nafakamulun sa antam. Ngayu at nafakamulun sa antam fag ngay taw Israel, aroro maksvn nu kafanyu ay nu kesug antam.

Sakaryas 3:8

Ay katsi, Uswe fag tagfon fanggalangun dungugani: o ay am ibama fag ngay tagfon fanggalangun kata sik fagtoglagan takafasludan ban. Namasure au ku fagsuguan at nafangayan te, Sanga.

Sakaryas 6:12

Nanlong o sas Uswe te, au Yawi at Mabalyanan glong au te, ‘Kafag taw at ngayan te, Sanga, gtugbung ay namadog ban namawat Yawi at bale. Kanya ban umsik fun ay e gfauseganan ban anya. Ay e tagfon fanggalangun nanmalindug sit day faglunggungan ay kanya fag dua masadi.’

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Tap 24:17

Nalag au si ku taginfan at yud yay anfasludan. Sik fun ban tagsiginans Akub at kasugfunanan namagtainan sas Israel. Ay kanya ban gfamin ngay taw Muab ay Set at ngay kasugfunanan fagayu.

Uan 3:16

Maksvn tua Dius nu kesug fagayu taw ste swa daga, at fagnafonun at mafilian fag Baguama, laman nusnga sinu tagafanud sa anya di gafaurianan nu bunway mul tua ban leleg at yud e fakatabuan kabavn.

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Filipus 1:8

Dius nasaful wa te, kesug au ayu fagayu kata tam Fun Isus nu kesug ayu.

Filipus 2:1

Dakngani maksvn wan ay amatanganan siginan ay fagmasadiun sa tam Fun Isus, ay gsudsunan am sat fakesugun, ay e fagmasadiun tuam sat Masine fag Falad, ay mafanggubuk tuam ay kedkesugan,

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

2 Pedru 1:19

Nu katanya, em fagafanudun nkugat yay nu kaksvn aroro siginan em nadungug tam Dius at ngay taglong at foyungan. Ay masine nu gdungugan am fia takatanya fag foyungan, takata sik salung tagdamlag sisad fagmadulumun nu dyakmay menit nadog ansure sbalabag. Ay kanya kata sik tagurabas gdamlag sa ay ngay amatanganan.

1 Uan 3:17

Sik taw nu e kwa ay kanya nu nalag at faduksay nu gayudan, ay nu dway nagubuk, o Dius at fakesugun si anya?

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”