Aroro siginan tam fagmasadiun sa anya, kanya nafili antam siginan yay nu yud nawat fagdaul daga, laman umsine tam ay di tam e malong sas Dius at daga salubangan. Aroro kesug tua antam,
Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.
laman ban am ay ay ngay sisian ay anggan ay ngay fufu gsuyu tua Yawi kaduge am gleleg. Nu gfaning tua ban am tuy fag ngay suguan ay fagayu fagaloan ku nafon ayu, ngaduge tua ban nu gleleg am.
Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.
Em ngay faduksay tam Fun at fakesugun, guseganan ami gugat sas Dius aroro sa ayu. Guseganan ami aroro siginans fakasigadan Dius nafili wan ayu laman gfalangfe, aroro Dius at Masine fag Falad at fagmabalyananun nafasine ayu laman diam e malong ay laman gafanud tuam sat matuyan.
Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.