Lukas 1:68 - Fanawbuid tagsibaliwas Fakayabian

⁶⁸ “Segi tam Fun, taw Israel at Dius, aroro kanya andasug laman namalangfe at ngay taw.

Lukas 1:68 ပူးပေါင်းရင်းမြစ်များ

Fakasigadan 14:20

Segi Tiba Tungud fag Dius, at nafababo emu sa am ngay fawayan.” Ay Abram nafon sas Melkisedek at fasafuluk afud at nabul siginan at ngay fawayan.

Fakasigadan 24:27

Ay kanya nalong te, “Segi Yawi, ku tagfayafun Abrayam at Dius. Kanya nafalag at kamatuyanan sa ku tagfayafun. Ay nataban angku sa ku tagfayafun at ngay kalongan.”

Fakasigadan 9:26

Ay kanya nalong yangay te, “Segi Yawi, Sem at Dius. Kanaan ban nangus, Sem wa fia at fagsuguan.

1 Fun 1:48

Ay Dabid namalub sit fagtaygilidanan laman gseg Yawi, ay glong te, ‘Fauseganani Yawi, Israel at Dius, at nafalag sa angku katsi fag menit tagungbus angku laman sik fun.’ ”

1 Fun 8:15

ay nalong te, “Segi Yawi ngay taw Israel at Dius. Kanya nafafasludan at ngay fatuyanan sa ku mama Dabid. Aroro kanya nalong te,

1 Krunika 29:10

Dabid nafauseganan Yawi sis salubangan ngay taw. Glong te, “Yawi, em mangaguyang Akub at Dius, o way lang em fagfausegananun kabavn!

1 Krunika 29:20

Sanya ginan, Dabid nalong sas fagayu taw te, “Fauseganani ay Dius Yawi.” Nu katanya, ngay taw nafauseganan Yawi at ngay mangaguyang at Dius. Kanya fagayu natudan ay namalub laman gfauseganan Yawi, ay at fun.

Alubad. 106:48

Kabavn segi Yawi, ngay taw Israel at Dius. Fagayu taw longi te, “Anud!” Segi Yawi!

Alubad. 111:9

Kanya nafalangfe tua at ngay taw, ay nawat at nasadian at yud e fakatabuan sa anya fagayu. Kanya sik fagsuyuun ay di e malong.

Alubad. 130:8

Kanya tua at mafalangfe ayu siginan ay ngay asalanan.

Alubad. 41:13

Kabavn segi Yawi, taw Israel at Dius. Anud!

Nu Galin 4:31

Ay kanya fagayu nafanud. Ay nu nasaful te, Yawi kafanyu tua anya fagayu, ay nalag at fagidapun, namalub ay naseg Yawi.

Lukas 1:71

Ay Dius namalangfe antam siginan tam ngay fawayan ay siginan fagayu takadotama antam.

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”

Lukas 2:38

Ay ginanya Ana nkakbang sas talanan. Ay kanya gseg Dius ay nafoyung sabaliwas Isus sas fagayu tagfanya Dius nu gfalangfe furuan Erusalem at ngay taw.

Lukas 24:21

Ay gseg mandi mi te, kanya ban at namalangfe ngay taw Israel. Ay newa katsi tulu wak menit at kinlangfe siginan nu e gfabul anya.

Lukas 7:16

Ay fagayu taw kalimu ay naseg Dius te, “Sik mabalyanan fag taglong andasug sa antam. Dius andasug sat ngay taw.”

Efesu 1:3

Segi Dius, tam Fun Isus at Mama, aroro kanya nafon tua sa antam fagayu fanfalad fag ngay famonun siginan nu nsadi tam sa tam Fun Isus.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Ebreu 9:12

Dius at Nafili sadi ginan way gsakbo sat Mafasamanan Fia fag Suluk, ay ansak wan. Ay gina kanya gsakbo at buba bunwa kambing ay baka riangan at taguk, nu bunway at sadili tua taguk, ay nafon tua sa antam sik fakalangfean at yud ban e fakatabuan kabavn.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

1 Samwel 25:32

Ay Dabid nalong sas Abigail te, “Segi Yawi, Israel at Dius at nafadasug emu stie laman namablang angku katsi fag menit.