Lukas 1:6 - Fanawbuid tagsibaliwas Fakayabian

⁶ Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Lukas 1:6 ပူးပေါင်းရင်းမြစ်များ

Fakasigadan 17:1

Abram at banwa gina siamk safulu e siam, Yawi ansure sa anya ay glong te, “Au wan at mabalyanan fag Dius. Glong au te, faningi tua gugat angku ay ugalii at yud e kalong.

Fakasigadan 6:9

Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.

Fakasigadan 7:1

Ay Yawi nalong sas Nui te, “Am fag talanan, sakboi wan sa ay nawat fag sakayan lino. Aroro katsi fag kasugfunanan, o way lang ku nalag at matuyan.

1 Fun 15:5

Yawi nafakamulun takatanya, aroro Dabid nafakamulun tua Yawi at fakaylatun fagayu, ay di nafamabo at ngay suguan kaduge gleleg, sangay at nafakamulun sas Uryas fag taw Ket.

1 Fun 9:4

Ay nu matuyan tua ban o gfaning angku kata am mama Dabid, ay nu gfakamulun tua ban o fagayu ku suguan emu, ay gfafasludan ku ngay foyungan ay ku fon emu fag ngay fagaloan,

2 Fun 20:3

“Yawi, amatangani tua ku ngay nafakamulun at matuyan ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

2 Krunika 17:4

nu bunway kanya ankakbang tua sat mama at Dius ay nafaning tua at ngay suguan, abat ngate, gfaning ngay taw Israel nu gugali.

Ub 1:1

E sik mangama tagbanwan sis talun Us at ngayan Ub. At ugali matuyan ay kalimu tua Dius, ay gsaruy tua at mauri.

Ub 1:8

Ay Yawi ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun.”

Ub 9:2

“Matuyan am nalong, dewa katanya, sinu at mafatuyan te, kanya we asalanan sas Dius?

Alubad. 119:6

Nu katanya, nu natap kban am ngay suguan, dakdi kapla emu.

Lukas 1:7

Ay kafag dadwa we sisian, aroro Elisabet garanas, ay anggan dadwa gsud wan mafagtainan.

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Fakamulun 2:25

Dabid nariruk sabaliwas Isus te, ‘Nalag kwan ku Fun, kanya kabavn tagsi ku fagunan, ay ku ufud laman kdi kamomuy.

Fakamulun 23:1

Ay Pablu nadama fia anya fagayu ay glong te, “Ku ngay faduksay, dasug katsi gugali ktua matuyan sis Dius at daga salubangan ay masine tua ku amatanganan.”

Fakamulun 24:16

Aroro katanya kabavn gugatan au gfasik matuyan ku amatanganan sas Dius at daga salubangan ay sas fagayu taw.

Fakamulun 8:21

Wa masine sa emu takatatuy fag fakamulun aroro am amatanganan mauri way sas Dius at daga salubangan.

Ruma 8:4

Dius nafakamulun katanya laman namafasludan tam Muisis at Faugali, itam at yud ya gfaning tam bilug at fakaylatun, nu bunway tagfaning tua at Masine fag Falad.

1 Kurintu 11:2

Guseganan au ayu, aroro gamatang tuam angku ay gfaning tuam ku ngay foyungan.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

Deuterunumyu 5:33

Mabanwani kata ay Dius Yawi at suguan ayu laman ban ngaduge tua nu gbanwan am ay e fagekwaun sa ay fagnangagbilugun ban fag daga.

Filipus 2:15

laman katap tuam fia te, Dius am at ngay sisian, at yud e malong, ay sik fagfaningan kaduge am gfasuglatan sit yud matuyan fag ngay taw, ay laman di e kafoyung sas fagayu taw te, ay fakamulun mauri. Nu katanya tua, gdamlag am sas fagayu taw kata galeme nu masulo sis banwa,

Kulusas 1:22

Dewa katanya, siginan tam Fun Isus at nabulanan, ansadi tuam sas Dius laman namasalubang ayu sa anya yud e malong ay matuyan.

1 Tesalunika 3:13

Kanya nangus gfabitsug ay amatanganan laman diam e malong, ay diam e mauri sa tam Dius tam Mama at daga salubangan, gina ban tam Fun Isus gdog andasug, gasfuan at ngay nafili.

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.

1 Uan 2:29

Nasaful wam te, tam Isus matuyan, ay saful yangay am te, fagayu taw tagfakamulun at matuyan, kanya Dius at sisian.

1 Uan 2:3

Siginan nu gfaning tam Dius at longan, gtuyan tam te, toglag tam anya.

1 Uan 3:7

Ku ngay sisian, lag am gadayan nusnga sinu. Fagayu tagfaning at matuyan, kanya matuyan wan, kata tam Isus nu matuyan.