Lukas 1:41 - Fanawbuid tagsibaliwas Fakayabian

⁴¹ Ay Elisabet nu nadungug Maria at aringang, at fafionan maksvn nu gfanleleg, ay at Masine fag Falad antayuk sas Elisabet.

Lukas 1:41 ပူးပေါင်းရင်းမြစ်များ

Fakasigadan 25:22

Rebeka namatang kafag duak ngenge nu gtudturangan sit ungdan. Nu katanya, kanya nalong te, “Wain fagindasugun sa angku takatatuy?” Nu katanya, kanya nainto sas Yawi sanya baliwa.

Alubad. 22:10

Siginan nu kasalug au, o way lang ku fagsegun, ay o wan ku Dius.

Lukas 1:15

Aroro am baguama ban sik mabalyanan sa tam Fun at daga salubangan, ay kanya ban wa ginum fanlangu, ay siginan yay nu yud ansalug, at Masine fag Falad siwa anya.

Lukas 1:40

Ay kanya nu ndasug sanya fag furuan, nasakbo sas Sakaryas at bale laman namakamatoan Elisabet.

Lukas 1:42

Ay Elisabet maksvn nu glong te, “Dius nu ggubuk emu gtungud tua tibak mangena. Ay Dius nagubuk yangay anggan am fagfafionun.

Lukas 1:44

Nu nadungug au emu, ku fafionan maksvn nu gfanleleg aroro guseganan.

Lukas 1:67

At Masine fag Falad antayuk sas Sakaryas, Uan at mama, ay kanya gfoyung te,

Lukas 4:1

At Masine fag Falad nu ntayuk sas Isus, Isus nalao wan siginans Liskung Urdan. Ay at Masine fag Falad nataban anya sas talun at yud e taw.

Fakamulun 2:4

Ay at Masine fag Falad antayuk sa anya fagayu. Ay kanya fagayu naringang at fagyudun saful fag ngay fangaringang, siginan at Masine fag Falad at nafon fag fagmakatuun.

Fakamulun 4:8

Ay siginan at Masine fag Falad at gubuk, Pedru nabalus te, “Am fag ngay tagfangguna ay fag ngay fagtainan,

Fakamulun 6:3

Nu katanya, em ngay faduksay filii si ayu fituk mangama ay natuyan te, matuyan at ugali, ay at ke Masine fag Falad. Ay kanya ban at namakamulun sabaliwa ngay fakonun.

Fakamulun 7:55

Ay at Masine fag Falad antayuk sas Esteban, ay kanya natangda sas banwa ay nalag Dius at fagmatuyanun ay nalag yangay Isus nu malindug sit siun baliwa.

Fakamulun 9:17

Ay Ananias nalao wan ay nasakbo sas Saulu at fagtaglayunan fag bale ay nafatayuk at daluap sa anya ay glong te, “Faduksay Saulu, tam Fun Isus at kinsure sa emu si sangaba dalan nasugu angku laman gdog yay ro wo glag, ay at Masine fag Falad umtayuk sa emu.”

Efesu 5:18

Lag am glanguan, aroro kanya mauri way, nu bunway ugatani laman at Masine fag Falad gbanwan tua si ayu.

At Nafasure 1:10

Gina si tam Fun at Menit, at Masine fag Falad antayuk sa angku, ay nadungug au sik aringang daul siginan ku day guyuy, kata sik budyung at awang.