Lukas 1:35 - Fanawbuid tagsibaliwas Fakayabian

³⁵ Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 1:35 ပူးပေါင်းရင်းမြစ်များ

Ub 14:4

Sinu at malong te, sik tagasalanan fag taw di e kalong? Duan, nusdi sadi we mafafalong takatanya.

Ub 15:16

kaugat wa ro ngay taw tagasalanan ay tagugali gugat at mauri.

Ub 25:4

Setain ro sik taw nu manangalindug sis Dius at daga salubangan ay glong te, ‘Matuyan au’? O e taw at kinsalug yud e malong?

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Alubad. 51:5

Siginan yay ku mina nu gfafion angku, mauri kwan, ay gina au kasalug e asalanan kwan.

Mateu 1:18

Katatuy Isus, Dius at nafili fag Fun nu kasalug. At mina ban Maria, Use at bubay ban. Ay gina kafag dua yud an-gamut, Maria nasaful te, gfafion wan siginan at Masine fag Falad.

Mateu 1:20

Ay gina Use namatangan katanya, tam Fun at tagbarita at sadi ansure sa anya sit taginfan ay glong te, “Use, fun Dabid at kasugfunanan, lag kalimu nangadadwa sas Maria, am bubay ban, aroro at fagfafionun siginan at Masine fag Falad.

Mateu 14:33

Ay tagsakay sanya fag sakayan naseg Isus te, “Matuyan o wan Dius at Baguama.”

Mateu 27:54

Ay tagfawayan at fun ay anggan at ngay ufud tagulit Isus, namatang daga nu guigan ay nalag yangay at kinfasludan. Ay kanya fagayu maksvn nu kalimu ay nalong te, “Anud, kanya wa fia Dius at Baguama.”

Mateu 4:3

Ay Tagfaskud andasug wan ay glong sas Isus te, “Nu Dius tuo at Baguama, longi stae fag ngay gang te, Akawati sik fakonun.”

Markus 1:1

Katatuy at Masine fag Barita sabaliwas Isus, Dius at nafili fag Fun, Dius at Baguama. Nafasigad takatanya gina kafasludan Dius at taglong Isayas at rirukan te, “Sumugu au ku fagsuguan laman gguna emu, ay kanya ban tagfasine am dalan.”

Markus 1:24

“Isus fag taw Nasaret, nataw am fagyafakamulunun sa emi? O am algan namalyam wo em fagmabalyananun? Saful au te, o wan Dius at nasugu at Yud e Malong.”

Lukas 1:27

Sanya sik baguina at yud batang e nasa anya. Kanya fag baguina, Use at algan ban at bubay, at ngayan Maria. Use, Dabid at kasugfunanan.

Lukas 1:34

Ay Maria nalong sanya fag tagbarita te, “Tain ro nu kafasludan, ay kye indugan?”

Lukas 1:36

Ay katanya yangay anggan am kalongan Elisabet, dewa mafufuina wan, katsi gfafion. Fagayu taw saful te, sia sik tagaranas way. Ay katsi nu gfafion unum wak magdanun,

Uan 1:34

Nalag au fia anya, ay gfatuyan kwa fia ayu te, kanya wan Dius at Baguama.”

Uan 1:49

Ay Natanael nafoyung te, “Takamoyung, o wan Dius at Baguama. O wan Israel at Fun.”

Uan 20:31

Fagayu at kinriruk ste anriruk laman gafanud am te, Isus wan Dius at nafili fag Fun, ay at Baguama, ay nu gafanud tuam takatanya, mul tua ban am leleg siginan anya.

Fakamulun 8:36

Ay duama kaduge glao sangaba dalan, andasug sa sik liskung, ay kafag taw nalong te, “Damai iste e mamam. O kya ro manga masine kasurung?”

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Efesu 2:3

Ebi gfakamulun yangay tam at mauri kata kafag ngay taw, ay gfaning tam tam bilug ay tam amatanganan at fakaylatun. Ay satu umfaurianan tam gasfuan kanya fag ngay taw.

Ebreu 4:15

Tam Tiba Tungud fag Tagfon Fanggalangun kanya nasaful tam ngay kamomuyan, aroro kanya nadalan wan fagayu famaskud kata antam, ay dewa katanya, kanya we asalanan.