Lukas 1:33 - Fanawbuid tagsibaliwas Fakayabian

³³ Ay kanya ban gfagtainan Akub at ngay kasugfunanan, ay wa ban e fakatabuan nu gfagtainan.”

Lukas 1:33 ပူးပေါင်းရင်းမြစ်များ

2 Samwel 7:13

Ay kanya ban at namawat ku bale laman sa ku ngayan, ay gtuyan au te, at ngay kasugfunanan tua ban gugat tagfunan kabavn.

2 Samwel 7:16

Am ngay kasugfunanan ban kabavn gfataglayun nu gfunan si ku daga salubangan.’ ”

Alubad. 45:6

At mabalyanan, nu gfagtainan o, we fakatabuan, ay matuyan tua nu gfunan o.

Alubad. 89:4

‘Siginan tua ban gugat am kasugfunanan Israel at ngay fun, ay kabavn ban gfakatanya ktua gugat.’ ”

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Ubadyas 1:21

Ngay taw at nafalangfe ngay taw Israel nangundaud sas Buksul Siun laman namagtainan Isaw at fagagbilugun fag ngay buksul. Au Yawi tagfagtainan ban kabavn.”

Mateu 1:1

Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Lukas 1:34

Ay Maria nalong sanya fag tagbarita te, “Tain ro nu kafasludan, ay kye indugan?”

Ruma 9:6

Dewa katanya, Dius at Longan wa nyud e masuad, aroro Dius at nafili bunwa fagayu Israel at kasugfunanan.

Galasya 3:29

Dakngani am wan tam Fun Isus at taw, am wan at matuyan fia Abrayam at ngay kasugfunanan at nangagbilug Dius at ngay nafatuyanan.

Galasya 6:16

Dius at fagmanabayanun ay at fakafanyun sumawa nangus fia at ngay taw tagfaning takatanya fag foyungan.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Ebreu 1:8

Ay sabaliwa at Baguama, Dius nalong te, “Dius, am fagfagtainanan kabavn tua ban. Ay nu gfagtainan ban o, matuyan tua.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”