Lukas 1:32 - Fanawbuid tagsibaliwas Fakayabian

³² Kanya ban mabalyanan ay gfangayan ban te, Tiba Tungud at Baguama. Ay Dius tam Fun namon ban anya at mangaguyang Dabid at fagmafunanun.

Lukas 1:32 ပူးပေါင်းရင်းမြစ်များ

2 Samwel 7:16

Am ngay kasugfunanan ban kabavn gfataglayun nu gfunan si ku daga salubangan.’ ”

Alubad. 132:11

Ebi nafatuyanan o sas Dabid te, “Gfalganan kban gugat siginan am kasugfunanan, tagtubus emu laman sik fun. Ay matuyan gfafasludan ban o takatanya, ay di ban o kalyam.”

Alubad. 132:12

Ay nalong yangay o te, “Am ngay kasugfunanan ban nu gfaning tua kata ku nasadian ay ku faugali sa anya fagayu, kanya ban fagayu umsik ngay fun kabavn.”

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Eremyas 17:25

gfon kban sa ayu at masine. Ay e gfunan tua ban gugat ayu sis Erusalem siginans fun Dabid at kasugfunanan. Kanya ban fag ngay fun ay at ngay tagfangguna nangadgaloan gsakay sis faguyudan fangawayan ay si sangay kabayu, gadgaloan ngay taw Uda ay ngay taw Erusalem. Ay e gbanwan tua ban gugat sis Erusalem.

Eremyas 22:2

Uda at fun, tagsiginans Dabid at kasugfunanan, ay am fag ngay tagfangguna ay am fag ngay taw tagdalan ste fag sakbawan, dungugani. Yawi glong te,

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Mateu 1:1

Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Mateu 12:42

Ay anggan talun Seba at fun fag mangena, gdog yangay ban gleleg gasfuan ayu gina ban fanginsafulan asalanan fag menit ay lumong ban te, mauri am, aroro kafag mangena ndasug sas fun Sulumun siginans fungfung daga, laman nandungugan fun Sulumun at mamatanganan fag ngay longan. Ay amatangani, at kindasug ste katsi, gtungud yay fun Sulumun, ay dewa katanya, wam kaylat gdungugan anya.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Markus 14:61

Ay Isus maragangan way ay wa gbalus. Ay at tiba tungud fag tagfon fanggalangun ginto yay fia te, “O o wan Dius at nafili fag Fun? O o wan tam Fagsegan fag Dius at Baguama?”

Markus 5:7

Isus glong sa anya te, “O fag mauri fag falad, loi wan sanya ginan fag taw!” Ay maksvn kafag taw nu guro te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu sis Dius at daga salubangan te, lag gfauri angku.”

Lukas 1:15

Aroro am baguama ban sik mabalyanan sa tam Fun at daga salubangan, ay kanya ban wa ginum fanlangu, ay siginan yay nu yud ansalug, at Masine fag Falad siwa anya.

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 1:76

Ay o, ku munama, gfangayan ban emu te, Tiba Tungud fag Dius at Taglong. Aroro gumuna ban o tam Fun, laman ban namasine o at dalan,

Lukas 3:16

Ay Uan nafoyung sas fagayu taw te, “Au, gfasurung au ayu sasad mamam, ay takadasug ban fag taw gtungud yay angku nu mabalyanan. Ay kwa masine nusdi at fagsuguan laman at nanluas at fansalod at lapak. Kanya ban namasurung ayu sat Masine fag Falad ay sas afuy.

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Uan 12:34

Ngay taw gbalus anya te, “Muisis at Faugali at foyungan emi te, Dius at nafili fag Fun gbanwan ban kabavn. Wain am fagnalongun te, ‘E gfabat ban Taw at Baguama’? Sinu nunda ‘Taw at Baguama’?”

Uan 6:69

Katsi gafanud ami, ay natuyan ami te, o wan Dius at nasugu at Yud e Malong.”

Fakamulun 16:17

Ay kafag baguina gguyan emi ay guro te, “Tuy fag ngay taw Tiba Tungud fag Dius at fagsuguan, ay gfoyung sa ayu nu setain ban nu kalangfe am.”

Fakamulun 2:30

Dabid sik taglong ay nasaful Dius at fatuyanan te, at sadi ban at kasugfunanan umsik fun kata anya.

Fakamulun 2:36

Nu katanya, ngay taw Israel, masine nu gsaful am te, ay nafabul fag Isus sas fasulungan kayu, sia wan Dius at nafili laman tam Fun.”

Fakamulun 7:48

“Dewa katanya, Tiba Tungud fag Dius wa gbanwan sis taw at nawat fag bale. Kata at taglong at longan te,

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,