Lukas 1:26 - Fanawbuid tagsibaliwas Fakayabian

²⁶ Ay gina sis faunumk magdanun Elisabet nu gfafion, Dius nasugu at tagbarita, Gabriel, sas Nasaret, sik furuan sis talun Galilea.

Lukas 1:26 ပူးပေါင်းရင်းမြစ်များ

Daniel 8:16

Sanya ginan, e nadungug au sik aringang siginans Liskung Ulay glong te, “Gabriel, fayamagi sa anya at taginfan at masuad.”

Daniel 9:21

Ay kaduge au gdarangin, anfasludan kata ku nalag ebi sa ku taginfan, Gabriel masakit nu glayug ay andasug sa angku. Ginanya fag buknga, gfon fanggalangun sfafun.

Mateu 2:23

Ay talanan nu ndasug wa sanya, namanwan sa sik furuan at ngayan Nasaret, laman namafasludan Dius at ngay taglong ebi at longan te, “E gfangayan ban anya sik taw Nasaret.”

Lukas 1:19

Ay tagbarita nabalus Sakaryas te, “Au wan Gabriel, kabavn gfakamulun au sis Dius at daga salubangan. Kanya nasugu angku laman namadungug au sa emu tuy fag barita at masine.

Lukas 2:39

Use ay Maria nu nafakamulun wan fagayu kata tam Fun at Faugali, kafag talanan noli wan sas furuan Nasaret sas talun Galilea.

Lukas 2:4

Ay Use nalao siginans furuan Nasaret sis talun Galilea, sas Betleem, fun Dabid at furuan sis talun Udea. Aroro Use, siginan fun Dabid at kasugfunanan.

Uan 7:41

Tibak taw glong te, “Matuyan kanya wa ngaro fia Dius at nafili fag Fun.” Ay tibak taw glong te, “Dius at nafili fag Fun wa siginans talun Galilea.