Lukas 1:17 - Fanawbuid tagsibaliwas Fakayabian

¹⁷ ay kanya ban gguna tam Fun, laman namafalganan ngay taw gina tam Fun kadasug. Ay siginan at Masine fag Falad at gubuk ay at fagmabalyananun, kanya ban namakamulun, kata Elyas at nafakamulun ebi. Kanya ban namoyung ngay fagtainan, laman kesug tua at ngay sisian, ay namae fagsafulun ngay takamabo, laman umsik matuyan. Nu katanya, kanya namalganan sik ngay taw laman sa tam Fun.”

Lukas 1:17 ပူးပေါင်းရင်းမြစ်များ

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 18:18

Ay Elyas gbalus te, “Bunwa au at nafae fagidapun sis Israel nu bunway o way ay am mama at talananan, aroro natalyuyan am Yawi at ngay suguan ay nafauseganan am Baal fag fagsegan.

1 Fun 21:20

Akab nu nalag Elyas, kanya gagras glong te, “O nablangan yay ta ngaro gayvd!” Ay Elyas nabalus te, “Sabv, nastie au aroro nasaful au te, nafakamulun o at mauri sas Yawi at daga salubangan.

2 Fun 1:16

Ay Elyas nu ndasug sas fun, nalong te, “Katatuy Yawi at longan te, ‘Wain am fagnasuguun ngay tagfosuk longan laman nangakbang sas Baal-Sebub, furuan Ekrun at fagsegan? O nunda we Dius sis Israel, laman am fagnangakbangan? Aroro sa am nafakamulun takatanya, wa ban o kalunggung ya siginan am fagtiugan. Kabul ban o!’ ”

1 Krunika 29:18

“Yawi, em mangaguyang Abrayam, Isak ay Akub at Dius, fasii ban nangus gugat am ngay taw at amatanganan at mafamaning, ay gubuki anya fagayu laman matuyan tua ban gugat sa emu.

2 Krunika 29:36

Maksvn Esekyas ay ngay taw nu guseganan, aroro Dius nagubuk tua anya fagayu, nu katanya masakit tua at ngay fakamulun nu katabu.

Alubad. 10:17

Yawi, gdungug o ngay tagafalingunan at darangin. Ay gfabitsug yangay o at ngay amatanganan.

Alubad. 111:10

Nu kaylat o kae fagsafulun, suyui tua Yawi. Ay fagayu tagugali takatanya, saful tua gtogdungug. Kabavn segi anya!

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Isayas 29:24

Ngay taw ban at yud saful at matuyan sumaful wan, ay takamayud ban guseganan wan nu e gfoyung anya.”

Amus 4:12

Nu katanya, ngay taw Israel, gdog kyay namaurianan ayu takatanya yay fia fag ngay faurianan. Aroro namakamulun kban katanya, falganani ay sadili nu nansalubang am sa angku ay Dius.”

Mateu 11:14

Nu kaylat tuam gafanud takatanya, kanya wan ay fagsegun takadasug fag taglong Elyas.

Mateu 3:3

Uan Tagfasurung, Dius ebi at taglong Isayas at foyungan te, “Sik taw guro sis talun at yud e taw te, Falganani tam Fun at dalan. Faturunani at fagnanloan.”

Mateu 3:4

Ay Uan at lanbung mawatan siginans kamelyu at sigyu. Ay at ginawang mawatan siginans fagbaugun at balat, ay at fakonun liung ay deut.

Lukas 1:16

Ay kanya ban namafoli ngayuk taw Israel sat Fun Dius,

Lukas 1:76

Ay o, ku munama, gfangayan ban emu te, Tiba Tungud fag Dius at Taglong. Aroro gumuna ban o tam Fun, laman ban namasine o at dalan,

Uan 1:13

Dius at ngay sisian nu kasalug di kata sik mangena nu gfasalug at sisian ay di kata sik taw at fakaylatun ay at algan, nu bunway siginan tua Dius at algan.

Uan 1:34

Nalag au fia anya, ay gfatuyan kwa fia ayu te, kanya wan Dius at Baguama.”

Uan 3:28

Am yangay tagfatuyan ku nafoyung ayu te, bunwa au Dius at nafili fag Fun. Au sik fagsuguan kway laman at nangguna anya.

Fakamulun 10:33

Nu katanya, nafauro au emu. Ay fadi fadi andasug tuo stae. Ay katsi maful ami ste sis Dius at daga salubangan laman gdungugan tam Fun at ngay longan siginan emu.”

Ruma 9:23

Dius nafakamulun katanya laman gfalag sat fakafanyun fag ngay taw te, kamabalyanan nya. Siginan yay ebi, Dius nafili anya fagayu laman at fagnamausegananun.

Kulusas 1:12

gina am guseganan sa tam Mama, aroro kanya nafasine ayu laman e afud tuam sat fagnamonun at nafalganan sat ngay taw tagbanwan sad mayamag.

2 Timuteu 2:21

Nusnga sinu takayayu tua siginans fagmauriun, kanya kata tua at mafanud fag ngay fagagbilugun. Ay kanya fagayu mafalganan sa tam Fun laman e fanambagun sa anya, ay mafalganan tua gugat gfakamulun nusnga setaw at masine.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Uan 2:28

Ku ngay sisian, nu katanya, mabanwani tua sis Isus, laman ban kanya nu ndasug, e fagmanabayanun tua tam, ay di ban tam kapla gina ndasug.

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.

1 Samwel 7:5

Sanya ginan, Samwel nalong sa sangay taw Israel te, “Afuli ban sas Mispa ay nandarangin kban ayu sas Yawi.”