Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lukas 1:15 - Fanawbuid tagsibaliwas Fakayabian

15 Aroro am baguama ban sik mabalyanan sa tam Fun at daga salubangan, ay kanya ban wa ginum fanlangu, ay siginan yay nu yud ansalug, at Masine fag Falad siwa anya.

အခန်းကိုကြည့်ပါ။ ကော်ပီ




Lukas 1:15
22 ပူးပေါင်းရင်းမြစ်များ  

Ay namayu kban am kasugfunanan, ay gfadante au emu, ay namasik takadungug au am ngayan. Ay siginan emu gfadante kban ngayuk taw.


Ay at mama nabalus anya te, “Kin, munama, saful kway. Manase at ngay kasugfunanan sik takadungug yangay ban, dewa katanya, at arian ban at kasugfunanan gtungud tua nu sik kadungug, ay at ngay kasugfunanan ban ayu yap tua.”


Naufud au emu dewa nday nu glao o ay nafababo au emu sas fagayu am ngay fawayan. Ay katsi namasik takadungug au emu kata tibak taw takadungug sas fagdaul daga.


Siginan emu fagmaramramanun ay famauseganan ay gfunan o fagayu nusnge wain. Mabalyanan o ay o wan tagfabitsug ay tagfon fagmabalyananun sas nusnga sinu.


Dewa katanya, nadiri tuo angku ebi gina au kasalug, ay siginan nu gsusu au, nadiri tuo angku.


“Eremyas, gina au nangawat emu sim mina at ungdan, nafili kwa emu. Ay gina o yud ansalug, nafili kwan emu laman ban sik taglong o sas fagayu talun at taw.”


Dewa katanya, kanya fagayu nabalus angku te, “Wami ginum fanlangu. Em mangaguyang Yeunadab, em funan Rekab at baguama nasugu emi te, ami ay em gaban wa mi ginum fanlangu.


“Nusnga sinu am talamean at nanakbo sa ku bale, lag am ginum at malangu fag mamam. Nu nafakamulun wayam takatanya, kabul am. Tuy fag faugali ay fagaloan ban kabavn, anggan ay ngay kasugfunanan.


Yawi at Mabalyanan gdiri ban at ngay taw. Ay kanya ban fagayu nansiad at ngay fawayan at famana fag ngay gang. Nu katanya, kanya ban fagayu nanfangon ay nanginum laman nanguseganan aroro nababo. Kanya ban fagayu gudguroan kata sik ngay tagalangu, ay kapsug siginan at nainum fag ngay fanlangu kata nu ginum si sik mabyat fag taya at ke bilug taguk laman famaramsig sas fagirugan at ngay fugungan.


Ay gina ban ansalug, guseganan o ay kaylat anya, ay ngayu yangay ban ktaw taguseganan.


Glong au ayu te, ya batang e nsalug tagtungud tua Uan. Ay dewa katanya, nusnga sinu tiba daga sis Dius at fagfagtainanan, kanya gtungud tua Uan.”


Katatuy ku faydayuanan aro at masuad. Uan Tagfasurung nu ndasug e buknga wa gfangon laman gdarangin, ay wa yangay ginum fanlangu. Ay kauri am anya te, sik mauri fag falad si anya.


Uan kata sik salung gigang gyamag, ay guseganan am sat buba fag fagmayamagun.


Ay at Masine fag Falad antayuk sa anya fagayu. Ay kanya fagayu naringang at fagyudun saful fag ngay fangaringang, siginan at Masine fag Falad at nafon fag fagmakatuun.


Dewa katanya, aroro siginan Dius at fagmagalangun, kanya nafili tua angku siginan yay nu yud au ansalug, ay nauro angku laman at fagsuguan.


Lag am glanguan, aroro kanya mauri way, nu bunway ugatani laman at Masine fag Falad gbanwan tua si ayu.


Ay Yawi nalong sas Uswe te, “Katsi fag menit, gfauseganan au emu si sangay taw Israel at daga salubangan laman sumaful am te, gufud au emu kata nu gufud au Muisis.


Ginanya fag buknga, Yawi nafauseganan Uswe sa sangay taw Israel at daga salubangan. Ay kaduge Uswe gleleg, ngay taw gsuyu anya kata nu gsuyu Muisis.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ