Lukas 1:13 - Fanawbuid tagsibaliwas Fakayabian

¹³ Ay kafag tagbarita nalong te, “Sakaryas, lag o kalimu, aroro Dius nadungug am darangin. Am bubay Elisabet gfasalug ban sik munama, ay gfangayan ban o anya te, Uan.

Lukas 1:13 ပူးပေါင်းရင်းမြစ်များ

Fakasigadan 17:10

Ay sabaliwa ku nasadian sa ayu, tuy ban ay fagnamaningun: fae fakatoglagani fagayu mangama,

Fakasigadan 17:19

Dius nabalus te, “Katatuy tua at matuyan: am bubay Sara gfasalug ban sik munama ay fangayani ban anya te, Isak. Namataglayun kban ku nasadian sa emu anggan sa am ngay kasugfunanan kabavn ban.

Fakasigadan 18:14

O nunda Yawi e fagyudun mafakamulun? Kata ku longan te, kafoli kyay ban stie sat fadogan fag banwa, kata katsi fag buknga, ay Sara namasalug ban sik munama.”

Fakasigadan 25:21

Rebeka garanas, ay Isak nadarangin sas Yawi laman kae sisian. Yawi nadungug at darangin ay Rebeka nafafion.

Alubad. 113:9

Kanya gfae sisian ngay mangena tagaranas, laman kanya fagayu guseganan, aroro ansik ngay mina tua. Segi Yawi!

Alubad. 118:21

Yawi, gfauseganan au emu, aroro nabalus tuo ku darangin, ay nafalangfe tuo angku.

Isayas 8:3

Ay sanya ginan, nafataladan au ku bubay. Ay nafafion ay nafasalug sik munama. Ay Yawi nalong sa angku te, “Fangayani am sisian te, Maer-Salal-Kas-Bas.

Daniel 10:12

Kanya nalong sa angku te, “Daniel, lag o kalimu. Aroro Dius nabalus wan am darangin gina yay taguna fag menit nu kamababaun o sas Dius ay gina o gyasafulun am taginfan at masuad. Nu katanya, nastie au laman namoyung au sa emu at famalus am darangin.

Usea 1:4

Sanya ginan, Yawi nalong sas Usea te, “Fangayani am ngenge te, Esreel, aroro wa ban glugo ya gfaurianan kwan Israel at fun, aroro fun Yeu nafakamulun at mauri sas furuan Esreel. Nu katanya, gfaragang kwa ban Israel fag fagfagtainanan.

Usea 1:6

Ay sanya ginan Gumer gdog yay nafafion ay nafasalug sik munina. Dius nalong sas Usea te, “Fangayani kafag munina te, Lu-Rukama, aroro kwa kafanyu ya ngay taw Israel ay kwa gfalyam ya at ngay asalanan.

Mateu 1:21

Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Mateu 14:27

Ay arodi vtv Isus nalong sa anya fagayu te, “Faksvni ay amatanganan. Au way, lag am kalimu.”

Mateu 28:5

Ay kafag tagbarita nalong sa kafag ngay mangena te, “Lag am kalimu, aroro nasaful au te, grvbvy am Isus, ebi at natuktuk sas fasulungan kayu.

Markus 16:6

Kafag baguama nalong sanya fag ngay mangena te, “Lag am kalimu, saful au te, grvbvy am Isus tagsiginans Nasaret, ebi at natuktuk sas fasulungan kayu. Kanya gdog yay gleleg ay wa ste ya. Damai at fagfolian anya.

Lukas 1:14

Ay gina ban ansalug, guseganan o ay kaylat anya, ay ngayu yangay ban ktaw taguseganan.

Lukas 1:30

Ay kafag tagbarita nalong te, “Maria, lag o kalimu, aroro Dius kesug emu.

Lukas 2:21

Nu nlangfe waluk menit, nu nafae fakatoglagan wan kafag sisian gfaning taw Udyu at faugali, at fagtainan nafangayan anya te, Isus, kata tagbarita at nalong gina kafag sisian yay yud ansalug.

Fakamulun 10:31

Ay kanya nalong sa angku te, ‘Dius nadungug am darangin ay kaylat am fakamulun nu ggubuk o ngay tagidapan.

Tagfangguna 6:23

Dewa katanya, Yawi nabalus anya te, “Lag o gamatangan ay kalimu. Wa ro wo kabul.”

1 Samwel 2:21

Yawi kafanyu tua Ana. Nu katanya, Ana anke sisian yay tuluk munama ay duak munina, kaduge Samwel kagurang ay gfakamulun sis Yawi at bale.