Lukas 1:10 - Fanawbuid tagsibaliwas Fakayabian

¹⁰ Ay gina Sakaryas girug famaebebanglu, ngay taw gdarangin sis day bale.

Lukas 1:10 ပူးပေါင်းရင်းမြစ်များ

Alubad. 141:2

Ay aylati ku darangin, takata sik famaebebanglu fag fanggalangun. Ay aylati yangay nu gfabat au ku ngay take, takata sik fanggalangun gina yabi.

Esekyel 46:3

Ay anggan ngay taw Israel gfauseganan yangay angku sis salubangan sakbawan galay Famiangalay fag Menit ay fagmafulun sabaliwa Magdanun nu Bagu Kasure.

Lebitiku 16:17

Nusnga sinu fag taw lag nangakbang sas Yawi at bale gina Arun nasakbo sat Mafasamanan Fia fag Suluk yakmay naduksun. Ay kanya nu ntabu wan nu gfakamulun laman gfalyam at asalanan ay at ngay kalongan at asalanan, ay anggan fagayu taw Israel at ngay asalanan,

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

At Nafasure 8:3

Ay nalag au sadi yak tagbarita ankakbang sas fagirugan famaebebanglu, ay kanya gbitbitan sik famanus famaebebanglu at mawatan siginans gintu. Ay nafon sa anya ngayuk famaebebanglu laman nangirug sas fagirugan famaebebanglu at mawatan siginans gintu tagsis salubangan faglunggungan, gasfuan yangay Dius at ngay taw at ngay darangin.