Lebitiku 9:3 - Fanawbuid tagsibaliwas Fakayabian

³ Sanya ginan, longi sa sangay taw Israel te, ‘Bubai sik kambing tama laman sik famalyam asalanan fag fanggalangun. Bubai yangay sik tama baka ay tupa tagsadik banwa, ay yud e malong laman sik fagirugun fag fanggalangun.

Lebitiku 9:3 ပူးပေါင်းရင်းမြစ်များ

Fakasigadan 37:31

Nu katanya, kanya fagayu nafilas sik kambing ay nafatagukun Use at lanbung,

Esra 6:17

Ay kaduge kanya fagayu maful, kanya fagayu nafon sadik sandank baka tama, ay duak sandank tupa tama, ay ufatk sandank riangan tupa. Ay nafon yangay labi duak tama kambing laman at fanggalangun famalyam Israel at kasugfunanan fag labi dua at ngay asalanan.

Nu Galin 12:5

Kafag tupa ay fag kambing, filii tua at mataglu ay tagsik banwa at kadaulan ay at yud e malong.

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Lebitiku 10:16

Ay Muisis nu nananginsaful sabaliwas fanggalangun fag kambing laman famalyam asalanan, kanya nasaful te, nirug wan. Nu katanya, kanya andotama Elyasar ay Itamar ay nalong te,

Lebitiku 12:6

Nu nlangfe wan at nafalganan fag buknga, dewa munama ay munina at sisian, kanya gfon sa sangay tagfon fanggalangun sik riangan tupa tagsik banwa, sis Yawi at sakbawan bale, laman at fagirugun fag fanggalangun ay gfon yangay sik labikung laman at fanggalangun famalyam asalanan.

Lebitiku 14:10

Sis fawaluk menit, masine kanya nu gbuba duak tama tupa ay sik tina tupa, tagsadik banwa ay at yud e malong. Ay kanya gbuba yangay unumk fabudbungguan fangawat tinapay at ke famasuglat langis, laman sik fanggalangun famauseganan Yawi. Ay kanya gbuba yangay sik taya langis.

Lebitiku 16:15

“Kanya gfabul yangay at fanggalangun fag kambing laman famalyam ngay taw at asalanan. Ay gbuba kafag kambing at taguk sat Mafasamanan Fia fag Suluk ay gfaramsig sas Fagsuadan Nasadian at suklub kata at nafakamulun sas tama baka at taguk.

Lebitiku 16:5

Sanya ginan ngay taw Israel gfon sa anya duak tama kambing laman sik fanggalangun laman sa nu gfasine, ay sik riangan tupa laman sik fagirugun fag fanggalangun.

Lebitiku 23:12

Ginanya yangay ban fag menit, gfon am sas Yawi sik tupa tagsadik banwa ay at yud e malong, laman ay fagirugun fag fanggalangun.

Lebitiku 4:23

Ay nu nasaful te, anke asalanan, masine kanya nu gfon sik kambing at yud e malong laman at fanggalangun.

Lebitiku 4:3

“Dewa sik tagfon fanggalangun way at nasalan ay doma at algan, ay ngay taw Israel nu ntaip way, masine kanya nu namon sas Yawi sik tama baka tumad, at yud e malong, laman famalyam at asalanan.

Lebitiku 9:2

Muisis nalong sas Arun te, “Buli sik riangan baka tama, ay sik tama tupa yud e malong, ay foni sas Yawi laman sik fanggalangun. Kanya fag baka sik fanggalangun laman famalyam asalanan, ay kafag tupa laman sik fagirugun fag fanggalangun.

Lebitiku 9:4

Bubai yangay sik tama baka ay sik riangan tupa, laman sik fanggalangun laman sas fagmanabayanun. Kanya gfon kafag ngay fagbaugun gasfuan sik rawvg at mafasuglatan langis, aroro katsi fag menit Yawi nafasure sa ayu at fagmasineun.’ ”

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.