Anggan ban tibak talun at ngay taw umdulo anya. Ay at ngay fun ban wa maringang ya, aroro kanya ban fagayu lumag nusnge wain at masuksukan, ay sumaful ban nusnge wain at yud batang nadungug.”
Ay sisad basad dua tigyangan sakbawan at tangbi e duak fagfatungkudan fagfilasan at fagnangirugun fag ngay fagbaugun. Kanya sik ngay fanggalangun laman famalyam asalanan.
Ay kanya namilas at fanggalangun sas wala baliwa fag day fagirugan fanggalangun, sas Yawi at daga salubangan. Sanya ginan, Arun at kasugfunanan fag ngay tagfon fanggalangun gfaramsig kafag fanggalangun at taguk sas fagirugan at ligung.
“Sik taw at fagirugun fag fanggalangun nu sik baka, masine nu sik tama, ay at yud e malong, ay tabanani sas aturunan Yawi at sakbawan bale, laman Yawi gfasine kanya fag taw.
Sanya ginan, kanya namilas kafag baka sis Yawi at daga salubangan. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas fagirugan at ligung, sis aturunan Yawi at sakbawan bale.
Ay kanya fag taw masine nu gfoli at daluap sat fanggalangun fag baka at tungud alfuyu, sanya ginan, kanya namabul kafag baka sis aturunan Yawi at sakbawan bale. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas day fagirugan.
masine kanya nu gfoli at daluap sat fanggalangun fag tupa at tungud alfuyu ay nu gfabul sis salubangan Yawi at bale. Ay Arun at kasugfunanan fag tagfon fanggalangun gfaramsig kafag fanggalangun at taguk sas fagirugan at ligung.
Kanya wan at famalyam at asalanan. Ay kanya gfoli at daluap sat fanggalangun at tungud alfuyu ay namabul kafag kambing sas fagfabulan ngay fagirugun fag ngay fanggalangun laman sas Yawi.
Kanya nu dway nafon at kasakan sas Yawi, masine nu gfon salapi laman at famayad sat nayud nafon, ay famuti yap sik falimak afud. Ay kanya ro namuba sa tagfon fanggalangun at famayad laman Yawi gfalyam at asalanan.
“Dewa katanya, kanya fag taw way makatu gfon sik tupa laman at fanggalangun, foni duak labikung ay mannga duak udkuruan; at sadi famalyam at asalanan ay at sadi at fagirugun fag fanggalangun.
Ay kanya ro gfaramsig kafag fanggalangun at taguk sas fagirugan at ngaba ligung, ay at sawad fag taguk gugwag sas daga fagirugan. Kanya famalyam asalanan fag fanggalangun.
laman namoyung sas Arun ay sat ngay baguama sik ngay faugali te, Sik fanggalangun famalyam asalanan, masine nu gfabul sis Yawi at daga salubangan sis fagfabulan ngay fagirugun fag ngay fanggalangun. Kanya fag fanggalangun sik mafilian fia.
At kinlangfe fag ngay menit nu gfakamulun sas Yawi, ya kataip nu gfafasludan at fatuyanan, siginan nu gted at kinbul. Masine kanya nu gdog gfagbilug at sadili yakmay antabu at fatuyanan, ay masine yangay kanya nu namon sik riangan tama tupa laman famalyam at asalanan.
Ay siginan yangay at fagafanudun, kanya nafae fagmafulun sabaliwa Tagbarita nu Glangfe, ay kanya nasugu sa sangay taw Israel te, rarusi taguk sat ngay mesa ligung sakbawan bale, laman ngay tagbarita wa gfabul ngay taw Israel at ngay sisian tiba kaka.
Am wan Dius tam Mama at ngay nafili kata at fagsafulun siginans fakasigadan. Ay at Masine fag Falad gfasine ayu, laman gfaning tuam Isus tam Fun ay laman umkalyam ay ngay asalanan siginan at nabulanan. Sumawa nangus fia ayu tagtungud at fagmagalangun ay at fagmanabayanun.